DONALD TRUMP THINHUN MEI HMA BANTUK IN A LIN CANG

Tuluk cungah US President Donald Trump a thinhun a dai kho hlei ti lo. Athar in a thinhung chin lengmang tiah an langhter.Hi konghe pehtlaiin Reuters thawngzamhnak nih alanghter ning ahcun US President Donald Trump cu Winscosin lei ah a kal i, a khualtlawnnak ah biachimnak angei. Cu bia a chim nak ahcun Coronavirus ruangah Trump nih a thinhun chin lengmang nak kong a chim tiah an langhter.

US ngandamnak lei thiamsang hna nih hi zawtnak Coronavirus hi an control khawh rih lonak le, fak ngai le zualhma ngai in akarh kho dingmi dirhmun ah kan um ko tiah US President Donald Trump sin ah American Health Official hna nih an chim. Cu ruangah President Donald Trump cu Tuluk cungah a thin hunnak athar in a zual taktak tiah an langhter chih.

Hi konghe pehtlaiin US President Donald Trump nih a timi cu vawlei cung pumpi ah hi zawtnak tlangrai coronavirus hi biatak tein ngiat thlainak le dotthletnak ka tuah peng i, hi zawtnak hi khuaruahhar taktak asi ko. Minung tampi an nunnak a lak hna i, ramchung tangka tampi dihnak a chuahter in a hrawh hna.

Cu chung ahcun kanmah USA hi a hlei in a tuarmi le biatak tein a zualhma ngaimi chungah kan i tel. Hi zawtnak Coronavirus zawtnak nih a chuahpi mi harsatnak le rawhralnak a chuahmi vialte hna ka ruah lengmang tik ah hin Tuluk cungah kan thinhunnak hi a zual chin lengmang ko tiah US President Donald Trump a chim.

Theihcia le thanhnak tuah cang lengmang bantukin Coronavirus zawtnak hi vawlei cung mi tampi hna nih cun Tuluk serchuah mi asi tiah an chim. Asinain tthenkhat nih cun amah tein aa sem vemi a si ko a timi zong an um. Hi zawtnak a karhnak le a zualhmatnak ram pawl hi cuanh tikah ram tthawng rampi cal ah hin a zualhma khun. Asinain Tuluk hi ramtthawng asi ko nain zawtnak azualhma lo.Hi zapi minung tampi nih Tuluk an lunghrinh khunnak zong asi.