DONALD TRUMP TAZACUAINAK NGOL AN DUH CANG

Republican Senator Tam Deuh Nih Trump Impeachment Trial An Duh Ti Lo, Pelosi Hi A Ning A Zak Ve Te Hnga Maw?US President in ai din cangmi Donald Trump Impeachment trial kalpi cuahmah mi cu a thlawp duh lo lei ah Senate Republican tam deuh nih an vote. Impeachment trial cu ngol an duh. Hi ruang ahhin Democrats pawl nih US Capitol Building ah buainak a chuakmi kongkau ah Trump thiamlo canter an timhnak cu hlawhtlin dawh an si ti lo.

Republican Senator Rand Paul nihcun nihnih ni ahkhan an ram phunghram pi ah President hlun impeach nak ding kong hi a chim lo tiah a chim. Trump cungah Impeachment trial kalpi an timhmi cu ngol dingin a ruahnak a chim. Cu a ruahnak a chimmi cu Democrats nih hruaimi Senate ah Vote thlaknak an tuah i a thlawp duhlo lei hi 55 an si lio ah a thlawp duhtu hi 45 an si ve. A ruahnak a chimmi (motion) thlawp duh lo lei ahhin Republican Legislator pa nga nih Democrats lei hi an vote pi hna.

Trump hi thiam lo van canter khawhnak ding ahcun Democrats lei nihhin Republican lei vote 17 an hmuh a hau. Tu tiang ahcun Republican minung 5 lawng nih Trump hi thiamlo canter an duh. Republican lei minung 12 an lak chap a hau rih. Cucaah Trump thiamlo van canter khawhnak ding hi a harsa ngaingai lai.Rand Paul nih trial tuah dingmi cu a kham kho lo. Nain, a ruahnak a putluhpi mi cu thlawptu minung 45 bak a ngeih ruangah, Impeachment trial kalpi dingin an timhmi cu sullam ngei lo ah a cang kho.

President hlun Donald Trump Impeachment trial hi an itimh ning ahcun February 9 ahhin tuah a si te lai. An ram phunghram ning ahcun Presidential Impeachment trial hi Chief Justice nih a hruai ding a si. Nain Trump hi President ttuan liomi a si ti lo ruangah Democrats Patrick Leahy nih a hruai hna lai. VOC

Relchih:UN CHIEF ANTONIO FIALNAK IN NLD LE RALKAP I CHAWNHNAK A TLAMTLING LOH.SUUKYI Vrs. MIN AUNG HLIANG AN BUAI. Myanmar NLD Cozah le Ralkap buainak cu zual lei a panh cuahmah i UNO le Vawleicung pi tiang athang dih cang. Nizan ah khan UNO Secretary General Antonio Gutteres nih Ralkap bawizik Sr.General Min Aung Hliang le NLD hruai tu Aung san Suu kyi cu Online in a chawnh hna i, remnak tuah dingin a fial hna. Cupinah vawlei cung ram EU le USA, Canada, Australia, China le New Zealand hruaitu hna zongnih remnak siam dingin fawrhfialnak Caathanh an chuah cio ve pinah Myanmar kong cu International News ah a chuak lonak um ti lo tluk asi cang. 28/1/2021, Nyphidaw ah NLD( WK+ZMM+MN) le Ralkap( SW+ZMT+TTN) bawizik pawl cu i tawnnak an nei hna i, Ralkap nih UEC hrawh i a tharin 2020 Election Votes cu Ralkap bawmh nak he relthan dingin an hal pinah February ni-1 ah Hluatdaw thutnak tuah rih lo i a caan thial dingin an halmi cu Aungsan Suukyi an chimh i a duh lo ca’ah remnak an tuah kho lo i an tian ti’ah Irrawaddy News le Ikada News nih an tial.

29/1/2021( Friday) Nyphidaw Supreme Court ah UEC Chairman U.Hlah Thein le President U. Win Myint kong an ceihmi kongah Suukyi nih hmaizarh ah ceih dingin a thialter hna ca’ah Chief Justice U.Thun Thun Oo nih Hluatdaw dih ah ceihkhan dingah a chiah ti’ah Myanmar Naung News nih a chim.Cuca’ah,Gen.MinAung Hliang nih tuchun 29/01/21 ah khan “72 hours demand Times” Order a chuah cawlhi, Yangon, Mandalay le Pyinmana Ralkap Command pawl cu ready in an um cang ti’ah thawngpang a um. NLD MP thar pawl cu City Development Guest House, Nyphidaw ah an phan dih cang i, ANP le USDP,Taingyinta MP le Ralkap MP pawl cu a ho hmanh Nyphidaw an phan rih loh ti’ah theih asi i, February-1 ah Phytuh Hluatdaw, Feb. Ni-2 ah Amyotha Hluatdaw le Feb.Ni-3 ah Phytaungsuh Hluatdaw tuah asi lai ti’ah Suukyi nih Hluatdaw Chairman T. Khunmyat cu Order thar a chuah ter cang.

Hi February Ni.1 ah hin Ralkap nih Counselor Suukyi, President Win Myint, Phytuh Hluatdaw Chairman T. Khunmyat le Amyota Hluatdaw Chairman Mannwin Khiangthan hna cu an tlaih sual hna hnga maw! tiah Myanmar News Agencies pawl an thinphang ngaimi asi. Daw Suukyi i Phungki bawizik Dr. Bandarah Kumara Bihwantah nih Suukyi le Min Aung Hliang cu hmaitonh( Face to Face)in i hmuh i remnak biaceih ti dingin nawlnak a tuah hna i, Sunday ah an i hmu kho men an ti. Yangon i Ramdang Embassy lei pawl le Japan Peace Negotiator Mr. Sasa Naka nih Gen. Min Aung Hliang le Daw.Sukyi zong remnak siam dingin a nawl hna ti’ah Japan Embassy nih an chim.

Ralkap nih cun UEC Chairman U.Hlah Thein le members pawl phuah dih dingin NLD Cozah cu an nawr bikmi asi.Sr. General MinAungHliang le Ralkap nih an i timh bikmi cu, Ralkap MP 25% pawl cu Hluatdaw kai ter lo( Boycott tuah) cun, Ralkap Vice-President(2) le Defence, Home, Border Affairs Ministers pawl cu Cozah tharah telh lo i, NLD Cozah thar cu Phunghrampi buarter, Cun, a ran nakin NDSC(ကာလုံ) meeting cu President hram hram lo’in auh ter i, NLD Cozah thlak i Myanmar ram cu Army Rules ah phuan an i timhmi asi ti’ah News Agency pawl nih an chim.8888 Students Uprising Leader Min Ko Niang le Ramchung Politicians le Sihni cheukhat pawl nih cun Ralkap pawl “Aana- Ting” lo dingin an nawl hna i,”Aana an Ting” ah cun, thihngamin kan doh hna lai tiah an phuang ve cang.Shan SSA le Karen KNU zongnih Ralkap”Aana-Ting” cu ram ca’ah kan duh loh tiah thawng thanhnak an chuah cang. Zeipoh siseh law, hmaizarh Caacawn nikhat Ni February 1,2021tiang hngak rih hna usih. Credit: MC Bik Lian

Be the first to comment

Leave a Reply

Your email address will not be published.


*