DONALD TRUMP NIH FIANG TAKTAK IN A CHIM PHUAN CANG HIH

Donald Trump hruainak tangah US sipuazi cu a tthang ngaingai cang. Zawtnak ruangah Trump rianttuannak cu zeihmanh lo ah aa chuah tiah an timi cu Tthatlei a panh cuahmah cang tiah Data record phunphun nih alanghter cang. Donald Trump nih atimi cu US tuanbia ah Economy aa sersiam athat bik lio caan le atthawn bik caan aphan cuahmah tiah a chim.

Cun mipi sin ah a ti tthan mi cu Record vialte hna hi vun zoh uhlaw tiah record cu azohter hna i, Aralaimi thlahnih chungah cun atu record nak in attha deuhmi record aphan tthan lai. Economy Growth, Lower unemployment rates, higher GDP rate hna cu record ttha deuh a um cang lai tihi promise ka tuah tiah a chim.

Democrats hna nih hin athangcho tuk dingmi Economy hi an kham i, Democrats caah cun hi bantuk report hi Election tik i, an caah cun chiatnak achuahtertu asi caah an duh lo taktak tiah a peh rih. Tuluk zong nih lawmhter an ka duh caah biataktein Ka awm le Behrum hna hi an cawk cuahmah.

Cuglawng siloin Caw zong an cawk taktak. Tuluk ka lungton an ka timh ngaiin Joe Biden hi President caah an duh tiah a chim chih. Joe Biden nih hin tuan deuh ah khan Tuluk athangthat hna i, Economy lei Tuluk an that ah hin kan dihlak kan ttha, Tuluk hi an sual lem lo tiah a rak chim bal cang.

Joe Biden vice president a si lio ah khan Joe Biden le a Fapa hunter cu Tuluk ah an kal tti i, zarkhat hnu ah khuaruahhar in Hunter Biden cu Tuluk cozah he rianttuanmi Chinese Bank nih tangka tamtaktak a hmu colh ti asi. US Econony cu lamdik a zawh cuahmah ko nain thimnak Democrats nih cozah an tleih bak asi ahcun ngunkhuai faktuk asang tthan lai i, 2021 ahcun rampi sipuazi nih atuar lai. Mirut pawl kan thim hna lo asi ahcun kan caah kumvui a si lai tiah Trump nih a chim.

Be the first to comment

Leave a Reply

Your email address will not be published.


*