DONALD TRUMP LE A NUPI AN VUN I LANGH CU MIPI VIALTE AN LAU DIH

Thawngpang thar avun chuakmi ahcun khuaruahhar ngaingai asi ko. Donald Trump le a nupi Melania Trump hna cu an karlak sining ai hlat chin lengmang cang tiah an langhter. Tutan thimnak tuah hnu ah avoikhatnak bik Trump le a nupi hna cu mipi hmuh in Arlington hmun ah an i langh tti, Asinain an umtuning an zoh tikah mipi vialte an lunghring ngaingai cang ti asi.

US President Donald Trump le anupi US First Lady Melania Trump kongkau cu theihcio bangin vawleipi acul ngaingai. Tthenkhat le bang nih cun tutan thimnak adih bakin an i tthen lai tiah an chim. Asinain tthenkhat tunih cun an karlak sining atthatuk ko tiah an langhter ve. Aruang cu nizan ti awk ah khan Melania Trump nih thimnak kong achimmi ah Trump adirkamhnak alang ti asi.

Hi konghe pehtlaiin Top Aide nih an nupa karlak thil acang kho dingmi alanghter hnu ah Nisung lawi ngaingai asimi Arlington hmun ah Donald Trump le a nupi hna cu Veterans Day timi ah an vun chuak tti. Asinain Donald Trump a nupi Melania umtu hoiher sining cu thawngzamhnak kip nih an langhter hoi cang. Mipi zong an lau ngaingai cang ti asi.

Donald Trump nupi Melania Trump a cawlcanghning vialte cu ahmanthlak he an langhter ngaingai i, tthenkhat le bang nih cun duhmi dang angei tiah an langhter. Arlington i, Veterans Day Ceremony an tuahnak ah Trump le a nupi hna cu hmunkhat te ah an kalti ko nain thinlung taktak cun hi ni le caan ah hin an li aleng ngaingai tiah an langhter.

Hi konghe pehtlaiin an chimmi cu Veterans Day ah hin Donald Trump nak in a nupi Melania Trump hi caanttha ngaingai ahmang deuh ti khawh asi tiah an langhter. Hi caan ahhin Donald Trump cu alileng ngaingai ko nain a nupi tu cu ralkap kut i tleih in nihthawng chinh tangah a um ti asi. Hi Nisunglawi caan hmannak konghe pehtlai Mike Pence le anupi zong social Distancing zulh in an um ti asi.

Asinain Melania Trump cu US Arm Forces chungtel a simi ralkap pakhat he fek ngai in an kut an i tlai i, Donald Trump zong tuak loin social distancing phungkalh in a um rih tiah an chim. Cucaah atubantuk in an pholanghnak hi asi. Donald Trump le a nupi hi kum 20 renglo in ai thlaumi an si. Atuhi Donald Trump cu kum 74 asi i, Melania tucu kum 50 lawng asi rih.

Culawng siloin hi Ni sunglawi caan hmannak ahhin pakhat le pakhat zong tthatthi in an i chawnbia lo ti asi rih. Atubantuk in Donald Trump le a nupi cu US election hnu ah avoikhatnak bik hmunkhat ah an i langh hi asi. Tutan aum tu konghe an chim rihmi cu Ralkap uniform ai hrukmi nak hmanh in Melania nih hin a va neih deuh tiah an chim.

Be the first to comment

Leave a Reply

Your email address will not be published.


*