DONALD TRUMP HI ALUAT KHO LAI MAW? TLAMTLING TEIN

Vote Kawlhawl Dingin Trump Nih Georgia Election Officials Pawl Afial Hna Hi Phungbuar Asi Maw?Biden sin a sunghmi a khupthal lehter khawhnak dingah ai zatawkmi vote kawlhawlpiak dingin Georgia top election officials pawl daireet a chanhmi hi US federal law le Georgia law a buar bantuk a si, tiin legal experts nih an chim.Saturday phone an i chonhmi ruangah lawng ah hin cun Trump hi taza cuai khawh a si lem lai kan zum tuk lo, tiin experts pawl nih an chim.

A tu i kan i ngeihmi vote chungah ai tel lo mi vote dang 11,780 hmuhchap ka duh le si, tiin Trump nih phone in Raffensperger cu a chimh.Election le criminal law experts minung 5 he interview an tuahmi ah, Trump nih a buar khawh men, tiin an ruahmi legal pawl cu a tanglei banghin an langhter: Zeibantuk phungtheng hi dah buar asi nge hnga? Election dehhlen tuah dingin zeibantuk cawlcanghnak paoh ralchanh dingin Georgia nih state law ai ngeih.

Cucaah, election hnursuan dingin mi pakhat khat nih midang pakhat khat rian a fial, a hneek, nawl a pek a si ah cun, cucu state law an buar a si.Thatein election tuah lo dingin midang sualpalhter, phungbuarter i timh cu federal law zong nih phungbuar ah a chiah ve.Pakhat changchang hi Trump nih a buar khawhmi a si, tiin Reuters nih interview an tuahmi expert 5 nih an chim.Phone in a chonhmi hi fedral criminal law a buar a si.

Phungningtein vote an rel ko cangmi a khupthal lehthlen dingin Trump nih Raffensperger hi hne sehlaw a lo, tiin California i Loyola Law School prof. Jessica Levinson nih a chim.Trump tuahsernak tazacuai dingin Atlanta area biaceihbawi Fulton County District Attorney Fani Willis nih tuan vo a lak te khawh mi a si, tiin ABC Good Morning America ah Monday ah khan Raffensperger nih a chim.Cu bantuk i tazacuainak tuah cu ai ningcangmi a si ko, tiah ka ruah, tiin Raffensperger nih a chim.

Trump phone chonhmi hi lung a kan tuaitam ngai, cucaah, hi kong hi hlathlai dingin ka office lei an langhter a si ah cun tihphannak um lo in le hmaizah lo tein ka tawlrel lai, tiin Monday ah khan Willis nih a chim.Vote cheukhat firpiak dingin Trump nih Raffensperger hi a fial taktak maw? asiloah Nov. 3 election a phichuak kong i a hmuhning a hei chimh bia maw a si? timi biahalnak phunhnih a um, tiin Georgia State University law Prof. Anthony Michael Kreis nih a chim.

Taza hei cuai tak hna sehlaw, ‘Hi tham cu election kong i ka hmuhning te ka hei chimh chin bia pei a si ko cu, rian ka fial a si tung lo,’ tiin Trump nih a ti khawh ve mi a si.Tutan election hi kanmah tei a si. A tu bantukin kan kut in an kan chuh than mi hi a phung a si lo. Cucaah, a lam tampi in an tuar te ko lai. ‘Ka vun tuaktaan than ko lai’ tiin na chim awk a si, tiah kei cu ka ruah ko hih” tiin Trump nih Raffensperger cu a chimh.Ballots a thongthong in an hrawh mi a um, tiin na thanh lo ah cun nangmah lila zong na tuar te lai, tiin Trump nih a hrocer.

Hihi sual tuah dakaw a si. Cu bantuk thil cu na onh awk a si lo,” tiin Trump nih a thihphaih.Trump hi a tu lio President a va si ko bu zongah, tazacuainak tampi a kalpi cuahmah lio caan a si ve caah, Georgia phung tangah phungbuar in Raffensperger rian a fialmi hi tazacuai khawh a si, tiin legal experts pawl nih an chim.Vote cu zat khat zat cu “Kawlhawl” (find) timi biafang Trump nih ai hman hi tehte pakhat cu a si. Hi nih a langhtermi cu election results lehthlen a duh, cun Raffensperger nih a chimhmi a tuah lo ah cun a cungah pakhatkhat tlungter dingin a hrocer, ti zong a lang.

An thlak lomi vote kawlhawl dingin a President nawlngeihnak hman riangmang in state secretary pakhat cu a hneek.Election fir hi Georgia law le federal law nih a onh lo mi a si. Cucaah, Trump nih vote kawlhawlpiak (find) dingin election officials pawl phone in a chonhmi hi phung a buar, ti hlei in a dang min bunhpiak ding hlei a um ti lo, tiin Duke University School of Law prof. Lisa Kern Griffin nih a chim.

Election kong i tazacuainak a kalpimi vialte biaceihbawi nih an hnonpiak dih hnu ah a tu bantukin phungbuar in vote damhkhaanpiak dingin state secretary pakhat phone in a chonhmi hi federal le state law ningin biataktein dothlat hau thil a si, tiin Florida State University prof. Michael Morley nih a chim. Trump Nih Zeitikhin Dah Ahei I Chimkanh Ve Te Hnga?Criminal laws nih hin phung a buartu pa/nu a lungput ah sualtuah duhnak a um maw um lo, ti hi a zohfel hmasa ta a hau zungzal. Trump hi taza an cuai ah cun, ‘tutan i election hi kan kut chungin an fir tiah ka zumh bak’ tiin a ti ve te ko lai.

Voi 3 tiang vote relthannak an tuah cang ko bua zongah, ‘Goergia ah keimah vote 11,780 rel lo in an chiah, ti hi ka zumh bak mi a si,’ tiin Trump nih a chim a si ah cun, cucu Georgia le federal law a buar ah chiahpiak awk a tha lomi thil a si,” tiin Loyola Law School prof. Justin Levitt nih a chim.Cu ti a chim a si ko ah cun, ‘election hi hnahnawhpek kai timh bia a si lo,’ tiin a vun ti khawh cang lai. Cu ti hna a si ah cun, cucu sualtuah ah relpiak khawh a si ti lai lo, tiah Kreis nih a chim.

Tazacuai Va Tong Tak Sehlaw Zeibantuk Vanthatnak Dah Trump Nih Ai Ngeih.Trump taza kan cuai hi kan ram nih a duhmi a si lo, ram a thenhtu thil lehlam a si lai, tiin Biden nih a chim bal caah, federal nih Trump hi taza an cuai lai kan zum theng lo, tiin experts pawl nih an chim. Trump phone call cu zapi theih in thanh a si cang ko nain, Biden cu cipkhap a ti lem rih lo.Trump phone call nih hin kan American democracy zeitlukin dah a chiatchuah cang, timi a langhtertu a si, tiin Biden senior adviser Bob Bauer nih a chim. Tazacuai kong bel a chim lo.Biden cu Jan. 20 ah khin office kai ding a si cang i, Trump nih office a chuahtaak hnu lawngah federal tazacuainak pawl hi a thithruai te ding khi a si.

Mah Le Mah I Ngaihthiamnak Hmangin Trump Nih Taza An Cuaimi Hi Ahrial Kho Lai Maw? President pakhat nih sualngaihthiamnak nawl ai ngeihmi hmangin keimah le keimah sual i ngaihthiamnak nawl ka ngei, tiin 2018 ah khan Trump nih a chim bal. President pakhat nih mah le mah ai ngaithiam kho maw kho lo, ti hi a fiang lo, tiah legal experts pawl nih an chim. Cuhlan ah cun zei president hmanh nih mah le mah ngaihthiamnak an i tuah bal lo.

Cucaah, hi kongah biaceihzung nih a tawlrelmi biasu zong a um lo nak hi a si.President sualngaihthiamnal nawl hi federal phung a buarmi cung lawngah pek khawh a si. Cu ti a si ah cun, Georgia law tangah cun Trump hi a luat lai lo, tinak a si.Mah le mah ngaihthiam khawhnak a um maw um lo, timi kongah White House nih comment a pe duh lo. Credit: Chelsea Bawi

Be the first to comment

Leave a Reply

Your email address will not be published.


*