A SUNGLAWI TAKTAK MI THAWNGPANG TRUMP CAAH A CHUAK CANG

Donald Trump Day. Ohio house representative Jon Cross le Reggie Stoltzfus nih Ohio state nih President Donald Trump upat peknak caah a chuah ni June 14 paoh ah Ohio state ah Donald Trump Day tuah dingah an i zuam lio a si. Donald Trump nih US caah kum 5 chungah a tuah khawhmi vialte hi philh awk tha lomi an si, US president vialte lak ah a lianngam cemmi, The Greatest President In History” a si tiah a chim. 2020 President thimnak ah Donald Trump cu Ohio state nih vote 3,154,834 an pek. Ohio State ah voi hnih ning tein teinak a co khotu a si. Credit: Salai Lairamthang.

Chinmi Vialte Caah Thawngpang Chia:Tuchun cu Chinram Laitlang thil cang cu lungthin afak hringhran ko. Tutan ah ngeihchiatnak atongmi Pu Chum Ling cu laimi vialte nih kan theih dih mi asi. Amah hi mirum asipin ah Laimi caah biatak tein rian attuanmi asi i, Laimi caah nun asiang taktak mi asi. Laimi vialte hna nih kan i bochan taktak mi asi. Atubantuk in ruah lopi in mual aa kan liamtak ti thawng kan theih tikah Chinmi or Laimi vialte lung afak hringhran ko.

Laimi kanpa Pu Chum Ling nih mual aa kan liamtak ti thawng kan theih cu Laimi vialte kan thinlung azaw in, kan ngeih achiatuk cio ko lai. Tantakmi chungkhar vialte caah hmunkip kaa kip a ummi vialte hna nih chungkhar cingla rualchan vialte hna caah atuarzia le a innzia an thiamnak lai Pathian sin ah thlacamnak in bawmcio hna usih. Tutan ngeihchiatnak konghe pehtlaiin ramchung thawngzamhnak hna nih an langhtermi cu atanglei bangin a si.

Accident news. 2021 January 30, Thantlang lei (Tlangpi in a rak i thawh mi) Parado motor in a rak i thawh mi Pu Chum Ling (Tlangpi) motor aa let.A fanu le Pu Chum Ling cu January 30 zaanlei suimilaam 2:30 tluk, Hakha in meng 4 hrawng hlatnak, Timit cho ah aa let i an thi,” tiah Health Volunteers Group in tuanvo ngeitu Pu Chan Hrem nih The Hakha Times ah a chim.Pu Chum Ling motor hi kan hnuleite zong ah Thantlang Pu Thang Hrim Sia zuatnak pawng ah a motor aa let i minung 2 an rak thi bal. Aa hliam mi zong an rak um.The Hakha Times

Hakha Ah Pu Chum Ling Mawṭaw Aa Let, Amah le a fanu an nunnak a liam. Nihin Hakha khua um Thantlang peng Tlangpi khua mi Pu Chum Ling mawtaw cu ai let i mawtaw ngeitu Pu Chum Ling le a fanu Van Par En an nunnak a liam tiah theih a si.Hakha khua in Tlangpi lei in an tlun nak ah Hakha phak lai te ah thil an can hi a si.

Pu Chum Ling hi cu hlan cu mawtaw a khal tuk lo i, a fanau le deuh nih an mawng ti a si. Atu a khalh mi Parado ai cawk nak zong hi a sau lo ti asi. Hi thil a cannak hi Hakha phak lai Keivang zuan, Timit cho kai, Pu Ming Hnin thlanlung phanh lai ah a si. Lam in pee 400 tluk aa hlatnak cheng palang an rilh hi a si. An i cit mi mawṭaw hi Parado a si. A tu hi Hakha siizung ah ruak an chek hna tiah theih a si. CBN

Thantlang peng, Tlangpi khua Pu Chum Ling le fanu motor khawnsualnak in an nunnak a liam. Thantlang peng tlangpi khua Pu Chum Ling Motor cu Hakha lei a rat lei ah, Hakha khuapi phak lai, Keivang zuan pawng ah a tla i minung pahnih (2) an thi tiah kan theih. An ruak cu Hakha sii-inn lei ah an kalpi hna. January 29 (nizan) zong ah Matupi le Razua kar ah motor aa let i, minung pakhat a thi tiah theih chap a si.Thawngpang tling in thang than khawh kan rak izuam than lai. The Hakha Post.

Be the first to comment

Leave a Reply

Your email address will not be published.


*