DONALD TRUMP ANAU LE AN HRUM RUANGMANG CANG AI

Trump Nih An Lungthin Ahrawhmi Staff Hna Cu Adonghnak Nithla Lawng An Rel Cang.Trump nih misual pawl an taw a sawh hna ruang i US Capitol luhhnawh a ton hnu cun amah a tanhtu a riantuanhawi tampi nih an dirkamh ti lo i, Office i a tangmi an caan nitlawmpal te hmanh cu lungnuamlo ngaiin caan kan hmang cang hna, tiin officials nih an chim. Monday ah khin Trump tazacuainak capar chuahpi dingin Democrats lei nih timhlamhnak an ngei.

Ruahlo piin a tu bantukin in boruak a khupthal ai leh (Capitol buainai) ruangah White House staff members tampi an lung a rawk ngai hna. An riantuanhawi pawl lila zong nih an thang an chiat ngai cang hna caah, minchiat lai le an rian tiangin a chiatchuat lai lawng an phang ko cang hna.Kan hnung zarh hrawnghrang i rian dinh kong a ceihmi staff pawl zong cu tlungtlamtein rian i apnak tuah an duh ve caah ah an i hne ko rih hna.

Cu ti an i hneeknak a ruangh cu President Trump hruhru hranghrang in a cawlcanghmi, asiloah chunglei in timhlamhnak ai ngeihmi kham an duh caah a si, tiah White House chungum agencies nih an chim.Trump nih kan lung a la kho ti lo (He has lost us. He has lost his own administration). A cozah lila zong hi a humhaak kho ti lo. Ka chim cang bangin, a minung tampi cu a kan leirawi, tiin kan ruah cang.

A taangmi ni tlawmpal, caan tlawmte chung i policy kongah thlennawnnak tuah dingin thithruaitnak phunphai tuah ai timh ah cun, cucu kan dihlakin kan doh lai, tiah ka ruah,” tiin White House lenglei a ummi agency pakhat i senior administration official pakhat nih a chim. Jan 20 i Trump term a dongh tiang a taangmi kan caan a nithla rel lawng kan hmabaak a si ko cang, tiah officials vialte nih an chim. Kan dihlak in kan lung a rawk dih.

Asinain President cu hnung a tolh hlei rih lo. Hi kongah a lethnih in karhlannak an tuah ko rih,” tiah White House officials hlun pakhat nih a chim.Congress cungah doh nan tuahmi hi thil tha lo taktak a si. A ra laimi president kut ah thluangtein rian i apnak ka tuah ko lai,” tiin Thursday ah khan Trump nih video in a chim. Election a sunghmi hi nihin tiangin a cohlang rih hlei lo, vote fir a um, a timi zong a let duh rih lo, cun Biden hrimhrim zong hi President-elect tiin a ti duh bak rih lo.

Tutan zarh chungah hin Trump cu mipeem kong i a policies zei a lawh vung zoh dingah Texas lei tlawn ai tim. Cu pah in cun US-Mexico ramri i hau a sakmi pawl zong cu vung veh pah ai tim, tiah theih a si. Cun White House ah Medal of Freedom puai zong tuah ai tim, ti a si.Trump nih buaibainak tuah dingmi mipi an taw a sawh hna, tiin an hmuh ve ruangah Trump a twitter account cu phih dingin Friday ah khan Twitter nih biachahnak an tuah.

Cu an tuahmi cu Trump le a minung pawl nih biataktein an doh cuahmah lio pi a si. A rauh hlan ah technology nganpi cheukhat ai chap khawhnak dingah tutan kan karhlannak hi thil tha ngai a si. Cun, hihi zungzal hmun dingin Trump nih a sermi policy tampi an um cang, ti a langhtertu a si” tiin 2020 Trump campaign ca i senior adviser a si mi Jason Miller nih a chim. Trump nih uanthlarpi ngaiin a aupi lengmangmi rian a limmi pawl hi (accomplishments) White House chungum riantuantu tampi nih cun hnachet luri men ah an ruahpiak cang.

Ahohmanh nih zeiah kan rel nemmaam ti lo. A sungmi bantukin kan i hmu dih hna.. cucaah, piangte chim ko ah cun, a tangmi zarh 2 hi dih zokzok seh, ti lawng kan duh ko cang hna,” tiin White House official pakhat nih a chim. Trump le Vice President Pence an i pehtlaihnak a fehfuan ti lo mi ko nih hin an boruak a rihter khun. Congress nih Election results an namhneh lo dingah a lam na kawlhawl lo, tiin Trump nih Pence cu a mawhchiat. Cu bantuk nawlngeihnak cu vice president kut ah a ummi a si fawn lo.

Congress cung i buainak an tuah lio ah Pence a him maw him lo, ti zongah Trump nih a hlat lo. White House i kum 4 chung caan an hmanmi a dih dengmang ko cang caah, hi kongah zei hmanh chim ai tim lo mi minung pakhat hnih an um. Pence hi buainak tampi kongah zumhawk a tlakmi riantuantu a si. Tutan zarh chung i minung tampi an rian an chuahtaak hlan deuh vak ah khan, Friday ah khan Pence nih a riantuanhawi pawl meeting a auh hna i ‘goodbye’ tiin lunghno ngaiin thlahnak a tuahpi ta hna.

Pence nih Biden buanco mi phungningtein namhnehnak a tuahpiak hnu ah, Thursday ah khan Pence a chief of staff Marc Short nih Pence cu Bible cacang a hei kuat. Cu cacang te cu Pence nih cun a riantuanhawi pawl a donghnak tonnak a tuahnak ah cun a relpiak hna. Tlik zuamnak ah khan ka tha a dihumnak in ka chuah cang, a dongh tiang khitkhet in ka tli cang, zumhnak kha fek tein kaa tlaih zungzal.” (2 Tim. 4:7), By Chelsea Bawi.

Be the first to comment

Leave a Reply

Your email address will not be published.


*