DONALD TRUMP AN THLOHTUK CANG, KHANGH DIH ATIMH CANG

Donald Trump nih Iran bomb in tthuat atimh, Amah ruahnak petu pawl nih biataktein an khap. Donald Trump nih White House ah a chimmi cu Iran nih hin nuclear hriamnam ser atimh caah bomb in tthuat ahau, Cun Iran hi Cruise missile in tthuat ahau tiah a chim. Asinain amah ruahnak petu hna nih hithil tuah asi ahcun buainak fakpi in a chual sual lai tiah Donald Trump cu an thloh tiah The New York Times nih alanghter.

Naite ah khan Donald Trump nih amah ruahnak petu cu Iran konghe pehtlaiin chim biaruahnak an ngeih hna. Meeting ah hin US Joint Chiefs of staff Gen. Mark Milley le Acting Defense Secy thar asimi Christopher Miller siseh, Secy of state mike pompeo culawng siloin Vice president Mike Pence hna zong an i tel. Trump nih atubantuk Iran tthuat atimhnak aruang cu UN Watchdog international Atomic Energy Agency hna nih Iran nih hin Nuclear bomb ser khawhnak ding 12% in karhter an ti caah asi.

Trump cozah le Israel nih cun Iran nih Nuclear hriamnam angeih ding an duh lo ti asi. Iran nih hin Obama rianttuannak thawngin rampi panga ah Iran Nuclear hnatlaknak a rak tuah. Cu remnak an rak tuahmi ahcun Iran nih 202.8kg a rak ngeihmi kha 300kg tiang ngeih kho dingin an rak ti, Hi pin anganmi cu ngeih lo ding tiah rak ti asi. Asinain atu ahcun 2105.4kg angeih cang ti asi.

Tuthla le bangah cun 2442.9kg bak angeih cang lai ti asi. Curuangah atubantuk in Iran cu tthuat atimhnak bik hi asi. Hi konghe pehtlaiin Israeli Ambassador to US asimi Ron Dermer nih atimi cu Joe Biden nih aliamcia kum 2015 ah khan Obama Admin nih Iran nuclear deal an rak tuah. Trump Admin nih an chuahtak tthanmi hi an pehzulh ding asilo. An peh zulh asi ahcun fak ngaiin ti asi lai.

Joe Biden nih hin Middle East hrawngah remdaihnak hi akalpi in aruah timhlamh ding asi asi tiah a chim. Trump Admin hna nih Obama Admin rak tuahmi cu Israel caah ttihnung asi tiah biatak tein an rak doh i, kum 2018 ah an rak chuahtak. US nih achuahtak mi kongah hin UK, France le Germany hna nih US thiltuah ning cu an rak soisel ve hna. Cuthok cun Iran le US dirhmun hi achia chin lengmang cang.

Relchih: USA Election Pehpar Thar. Narelhlanah biacah kan duhmi cu kei hi Trump a dirpimi ka si caah na relhlanah theiter cia ta kan duh. na huamlo ah cun relo kha na caah atha deuh, Pathian a biami ka si ve. Tei le teilo nakin nakin a biapi deuhmi cu khawika dah na um , khawika dah na dir, ahodah na tanh biatak tihi chim hmasa ka duh. Nihin nitiangah a hodah teitu asi ti cu chimkhawh asi lo. Sihmanhsehlaw a ra laimi ni tlawmpalah cun tuanvo ngeitu nih a nih hi timi a thanhte ko lai.

Cu lakah a pehparmi tlawmpal cu a tu an buaipimi state pawl hi thimzan November 3 ah cun Trump nih ateinak state deuh longte asi. November ni 4 zingka 2:30 hrawng in Joe Biden nih vote tamtuk ai thlau cangmi kha avun detthan i teinak anehhnu nihkhat rauhah an vun pek. Cucu Trump nih acohlan khawhve lo caah vote relthan dingin tazacuainak cu ahung chuak. Media nih Trump hi an dirpi duhlo, Joe Biden an hawipa lihchim kha na tanh ve.

Hi thil an tuahmi chungah an buaibainak hrampi cu Mail in vote kuat, thlakkha asi. Cu vote mail kuatkha adikmi cu sisehlaw a hopoah nih teitu cu teinak an coter ko hnga. Nain Joe Biden le an tanti hawi Democratic pawl cu Mithi cia vote kha an lak i ithimnakah Joe Biden vote an tlakter ve hna. Cun minung state dangta kha an lak i state dangah vote an thlakter rih hna.

Culong a si lo, Trump minthut ai lomi pa 8 bak te Joe Biden vote an thlahter rih. Cun Min tellomi pawl kha arannak in vote an thlakter . Trump vote kha an hlawnhpiak , azat cu hngalh asi lo nain atamtuk hrinhran. Cun ithimnak vote relmi chungin Trump vote kha Joe Biden leiah an thial rih, Mipi nih Trump vote an pekmi kha an delete piak rih, cu long asi lo.

Post Office nih mail ni luanhnu ah an tuahmanh lomi vote a rannak an vuntuahcawp i, tuahmi cu a tlaihnu ah an vun pekthan rih hna nain ani caan kha election nih chungah aphanmi asi tiah an thlen rih. Aruang cu Joe Biden nih ateicang tiah an i lawmh lioah Trump nih vote tumtuk atei caah asi. Tutan ithimnakah hin a hlanpi in tubantuk kan tuahlai tihi an rak itimhmi hrimhrim kha asi cu afiang. Democratic party nih hin a thli in tawrle cheng in ziknawh an hman ti cu chim haulo a si ko cang.

Atutan an buainak hi afawi lailo, hlanpi in an thil tuahmi an rak fiarnak kha mual apho khi asi cang caah mipi thinlung chungah a cam cang lai , caah hinak asanglei an panh kho, Media nih Trump an tanh duhlo tikah Trump nih a mah tein media kha i ser ve. cucu Twiter le Facebook page ai ser i, nan hmuhmi kha ka chim u tiah a ti ve tikah media nih an thanh piak duh lomi, an tialpiak duhlomi kha amah te bakin aithanh a langter caah media nih an tei khawh lonak cu a si.

Follow a tamtuk angei i, Media pawl cu sunhzatlak nih a den hna million tampi nih an chuahtak hna caah nihlawh an i pe kho tilo caah an riantuan minung anrian in an dinhter hna.Trump cu Tihmi angei lo, mirum a si long silo in a fimve hrimhrim biachim zong a thiam. Trump a soiselmi hna zohtikah an chungah khuachia a um ti cu afiang. Amah party lila nih an dirpi duhlo nain amahlong adir, Cozah kan bia lo Pathian abiami kan si ati.

A sualnak kumli chung an kawl amah thlakhawhnak ding caah a lamkip an dah , an thaw lehlam acham deuh chinchin anmual lehlam apho deuhdeuh ve. Andoh deudeuh an mual apho deuhdeuh ve. Khuaruahhar taktak mangang taktak cu asi ko. Cucu Pathian nih athimmi a dirpimi le fimnak hngalhkhawhnak le hngalhthiamnak a pek i a dirpi zungzal caah asi. Atu i Joe Biden teinak an pekmi State ah hin teinak ahmuhthan ko lai cucu kan i ruahchanmi cu asi ko.

Vuleiah hi ahohmanh atlingmi kan um lo an umlo nain Trump tluk in USA ram adawmi ka hmu rih hna lo, atuanman thlahlawh mi sifak apek ko buah a dawtnak an hmuhpiak kho hrim lo,Abraham lincoln chang a i.Nihin laimi tampi nih Trump hi a hua taktakmi kan um kho me, cucu kan chung ummi nih a remlo caah asi ko. Obama chan kha kiarthan kan duh caah asi ko lai. Kan tuah tawnmi kan ngah tawnmi a kan phihpiak hna si kho ve ko, kan mawh ve lo.

Khrifa nih kan tleihtleng taktak cu tutan ithimnakah hi a lang tiah ka ruah. Adeu le atak a langfiang bik ko ka ti.Kha ka bia athaw i ka bia asau, tutan thimnakah cun Trump nih teinak puanrang atarthan lai cucu ka chunmang zong asi i, atak zongin kan hmuh ko lai. Atu atangmiah hin Pennsylvania (vote 20) Georgia(vote 16) Arizona (vote 11) a tu ahmuh ciami 232 +20+16+11 =279 a si lai i, adang hi a lak thanzongah atha alakthan lo zongah a zeihamh a herh ti lo.

Hihi cu a rauh hlanhah an fiangte ko lai. Minnesota, Michigan zonghi kanmah ta an si te ko lai. apahnih hin vote 16 an ngei .Ahopaoh teitu si ka duh lo, fiangte in Pathian atanhmi khrihfa akan dawmi rian a thiammi ka duh caah Trump hi ka tanh bak. Obama chan cun zan mitkuh athaw lo, rian a har misual an karh. Tihphannak chungah kan dir kha bantuk kha hmuhzong ka duh tilo. Pathian biaklio caanah bawmpuah atam meithal iakahnak atam .

cucu na duhthanah Joe Biden kha tanh ko. Ka chunmang cu a hlanpi Election hlanpiah ka rak tar cang ka facebook page ah, cubantuk te in January ni 20 cu Trump nih thutnak kha pehthan ko lai. Keimah cawngthai in kathai, a duhmi zalawngte in relkhawh asi. Hawitha tampi ka duh, Pathian hi kan himnak le kanthazang kan ruahnak dihlak nunnak cu asi. Atu kan nun hi Pathian thluachuah asi.

Ithim dingmi pakhat ka ngei cucu Jesuh khrih a si, cucu a zum i Pathian atanhmi cu ka tanhve bak hna, ka dirpi ve bak. Cafang palhnak le tlinlonak tampi a um kho ka vun remhpah than te ko lai. Reltu nan dihlak cungah Jesuh khri deihnak le hnangamnak um cio ko seh. Nan tuan kawlnak nan thlacamnak cungah Pathian nih hlawhtlinak he na umpi cio ko hna seh. Credit: Joseph Thawng Z Ting

Be the first to comment

Leave a Reply

Your email address will not be published.


*