DEMOCRATS UMNAK AH A CANGMI THIL HI RAK ZOH TUAH UH

Trump hi Pathian nih chiti athuh mi asi tiah minung tampi an chim lengmang mi hi a rak dik ko tihi alang. Aruang cu tutan an langhtermi in hin fiang tein ahung lang.US President Donald Trump Party tambik an umnak hmun paoh ah thawngttha a chuak. Trump a dohtu Democrats umnak paoh ah buainak chum a chah chin lengmang cang. Cu lawng siloin Democrats hruaitu hna nih misual pawl nak in mipi a dirkamhtu le a kilvengtu police pawl hna cu faktuk in an dohkalh hna ruangah Ralkap tiang hman a si cang.

Democrats an tamnak khuapi chungah buainak cu a hlan nak in akarh chin lengmang. Democrats khuapi tiah an timi Houston siseh Denver le Chicago cun St.Louis cun Atlanta le New York siseh adang hna ah thahnawnnak hi aliamcia nikum nak in tutiang ah hin an karh deuh cang ti asi. Nikum le tukum kumcheu thilsining thahnawnnak an langhter mi atanglei bangin a si.

Nikum 2019 chungah a cangmi thah nawnnak vialte nak in tukum kum cheu chung lawngah thahnawnnak a cangmi a tam deuh cang. Nizan tiangah New York khuapi lawng ah i kahnak hi voi 777 a chuak cang. Hihi Nikum nak i kahnak a chuakmi vialte nak in a tam deuh cang.Hi konghe pehtlaiin atanglei bangin a chim.

I kahnak a tam ah hin lehrulh chamnak a tam deuh chin lengmang ve. Curuangah cun atu nak fak deuh in thahnawnnak hi tukum ah atam ngaingai lai tiah NYPD Serg. Joseph nih a chim. Kum 50 chung New York ah hin ka um cang i, atu bantuk in thahnawnnak a zual hi ka thei ballo tiah Mario Martinez nih a chim than rih.

Hi konghe pehtlai tthiamthiam in The New York Times reporter a rak si tawnmi Alex Berenson nih a timi cu Los Angeles le Boston cun Miami zongah thahnawnnak hi a karh ngaingai tiah a chim. Nizan lawng hmanh ah Chicago ah hin voi 60 renglo thahnawnnak a chuak. Tukum a tutiang ah hin kahthahnak hi voi 373 a um cang ti asi.

New York zongah nai Weekend ah khan i kahnak hi voi 34 a chuak i, minung 10 an nunnak aliam ti asi. Cun nikum chung vialte nak in tukum atu tiangah kahthahnak hi atam deuh cang. Hi thil vialte a caan nak hmun le hma vialte hna cu dottletnak an tuah tik ah Democrats an tam biknak khuapi an si i, kahthahnak a chuak mi atambik thimmi 20 chungah 19 cu Democrats Mayor khuakhan lairelnak lawngte a si tiah an langhter.