CUTLUK MIFIR HNANGAM KHAWH CU AMAK LAWLAW HIH

Mifir ahcun a hnangam pawl asi lai. Mifir hi a tamdeuh cu rianrang tein an cawlcang tawn ti a si. Asinain tutan mifir hi cu phundang ngaingai in a um. Mi inn ah thilfir dingin a lut ko nain rianrang tein thil a tuah lo. Inn ngeitu bantukin a cawlcang ti asi. Mifir ahcun mi hnangam pawl cu asi ko lai tiah an zumh.

Jamshedpur Khuapi asimi Jharkhand ah coronavirus zawtnak angeimi pakhat cu a inn chuahtak in TMH Sizung ah aa thlop cuahmah lio asi. Sizung a um lio ahcun aho ti theih lomi mifir pakhat nih a innchung ah arak lut i, thilri a fir hlan ah meheh sa a rak i kio i, hnangam ngai in rawl he a rak ei ti an theih.

Afirmi hi India tangka in thong 50 asi pin ah sui afirmi zong hi thong 50 man hrawng a si tiah an chim. Hi thawngpang an theih tikah inn ngeitu a unau nih police sin ah report nak a tuah colh. Nawlngeitu nih an zoh tikah cun mifir nih hin inn hnu lei kutka a paoh ti an theih. Thilri afir ah hin meheh sa arak i kio i, rawl he a ei tiah an chim.

Fir a tongmi inn ngeitu hi zawtnak angeimi asi caah cozah nih kal um lo dingin an phih mi asi i, a chungkhar le hna zong khuate lei ah an um hna tiah an chim. Hi konghe pehtlaiin nawlngeitu hna nih an chimmi cu mifir hi a sining le a umtu ning khoika dah a um timi dottletnak tuah cuahmah lio asi tiah an chim.