PHUNG NING TEIN BIDEN CU TANGKA HMAN CHUNGNAK NAWL AN PEK

President elect Joe Biden cu a hman dingmi caah $ 6.3 million pek a si cang. GSA timi The General Services Administration hruaitu lutlai asimi Emily Murphy nih US president thimnak ah Joe Biden cu teinak ahmu ding ah ruah asi caah phungning tein cozah thar dirhnak nawl a pek cang, Culawng siloin Joe Biden nih 6.3million zong hmannak nawl a pek chih.

Hi konghe pehtlaiin Donald Trump nih a timi cu Emily Murphy le a hawi le hna nih phungning tein a harhmi vialte hna cu tuah colh ko hna seh, keimah le ka cozah zong nih aharh mi vialte hna cu kan tawlrel ve ko lai. Asinain kan buaipi mi thimnak vote result kong cu pehzulh in kan kalpi ko lai tiah Trump nih phungning le phungam cungah thiltuah ai timhnak le a dirpinak kong a chim.

President Donald Trump nih Election cu a dih rih lo na’in, General Services Administration hna cu, Joe Biden lei Democratic pawl Cozah siamnak (transition) timhtuahnak lam an onh cang hna. Hi hi Michigan State Cozah nih Election ah Certification an pek hnu ah, Donald Trump lei Republican pawl nih an sawmnak asi. US President thimnak ah tubantuk Cozah transition tuahnak hi a biapi ngaimi asi. US Elected – President nih hin Cozah siamnak caah Phaisa GSA sinin a rak hman chung khawh.

Relchih:US thimnak kong ah A tuhi a voi thumnak a si cang. Trump hi bawipa nih kutka a hun piak mi asi. Aho zong nih cu kutka cu an khar kho lai lo. ZEIRUANG AH DAH TRUMP CU THIM ASI. Pathian nih hitihin a tinh ning cu asi. Pakhatnak, A RAM ca ah Bawipa ah thazaang tampi a hmuh nak ding caah covid- 19 in thazaang tam pi a lakter hmai sa.

Pahnihnak. Bawipa Pathian bia in USrampi ukhruai khoh nak caah le khupthal leh khoh nak ding caah i thim nak ah hin fawite in peksianh asi lo. Pathumnak. Harnak lungretheih nak tampi tonter le batter sianh asi nak cu a mah tha zaang le hriamnam tha bochan nak ngawlter in Bawipa pathian amin thawnnak bochan in ram uk thiam khoh nak le hruaithiam khoh nak bawipa nih thiamter le pek a duh caah asi.

Palinak. US ramchung khrifa nun sersiam ding le bible in dirh mi ram asi nak kha biatak in fianter i khrifa ram taktak ah tlinter ding. Panganak. Atu Donald trump hi US ram ram khat ca long ah siloin vawlei cung zumtu hna ramkip le mi phun za kip ca tiang in kutka hi awn piak i thim chan asi. Credit: Sui Peng

Be the first to comment

Leave a Reply

Your email address will not be published.


*