CNLD Simi Poh Nih Mah Cabia Hi Rak Rel Hrim Hrim

Dear upatmi Chin miphun nu le pa le u le nau hna,Aralaimi 2020 November 8 ah tuah ding mi ramkomh Kawlram thimnak ah: -Miphun Covo laak than dingah CNLDthimfung thlak cio ding in toidornak le upatnak he kan in sawm hna.Chin ram le Chin miphun cu kanmah Miphun lila nih kan dirkamh le kan cawisan a herh ko. Cucaah Chin miphun aiawh in thimnak a lutmi CNLD nan kan dirkamh cio naklai kan in sawm hna.

– Miphun daw mi nu le pa u le nau hna, Sia lu cung Vakok nuva an cuannak ah thimfung nan thlak cio naklai kan in sawm hna.- Pyithu Hluttaw (CNLD – Independent, Hakha Peng) in aa cuhmi Pu Ngun Mawng zawn ahcun chokhleipar cung i vakok aa fumi a cuannak ah thimfung (vote) thlak cio ding in kan in sawm hna.
#Miphun_Covo_Lak_Than_Ding_Ah
#CNLD

CNLD Tlaihtleng 10 ,
Pakhat nak. Chin Miphun Lungrualnak le i funtomnak cu hmaisuang bik ah kan chiah lai.Pahnih nak. Chin Miphun nih kan ngeihmi kan nunphung, kan caholh, phung le lam, Miphun sinak le kan Miphun hmelchunh, pupa kutchuak puai le laam, kan thilthuam le kan sunhlawihmi Ni Sunglawi vialte an hmunh khawhnak hnga kan kilven lai.Pathumnak. Kan pupa chan in kan rak ngeihmi Pupa ram, hmun le vawlei ngeihnak nawl le tinconak nawl kong he pehtlai in Phung le phai kan tharchuah lai i, upadi in kan kilven lai.

Palinak. Cozah zungkip le Cozah a si lo mi pumpak rianṭuannak (Private Sectors) kip ah Chin Mino vialte nih rian an hmuh khawh nakhnga kan i zuam lai.Panganak. Chin Miphun Nu hna nih an ngeihmi covo cu Phungthar ser in kan ṭhawnter lai.Paruknak. A thianghlim mi Chin cozah a si khawh nakhnga Ṭanhhleinak, Thleidannak le Eihmuarnak kan doh lai i, kan zohfel lai.Pasarihnak. Chin ramkulh chung i pehtlaihnak lam le sul, chawlehnak le mizapi ca ah rian kan ṭuan tikah siseh, khuapi khuate innlo ser tikah siseh, rawhralnak le hnorsuannak a tlawm bik ding in kan i zuam lai.

Pariatnak. Chin miphun dawtnak thinlung ṭhanghphawhnak ca ah Miphun Hla, Miphun Thantaar cu Chin mizapi duhnak lak in serchuah ding in kan i zuam lai.Pakuanak. Chin ramkulh leng ah a um mi Chin miphun hna nih Phungphai chung ah a um mi covo le Ramkhel covo tlamtling tein an ngeih khawh nakhnga le khuasak tintuknak, chawlehnak le rian duhdim tein an hmuh khawh nakhnga ṭuanvo ngeitu hna he kan ṭuanṭi lai.Pahranak. Tlukruannak, mahte khuakhan lairelnak, Federal Democracy Ramkomh kan ser khawh nakhnga miphun dang hna he tlukrual tein ṭuan kan i zuam lai.

Crd, CNLD

vote hrim hrim uh a tha kho tuk.

Be the first to comment

Leave a Reply

Your email address will not be published.


*