CHINRAM RALKAP BAWI BIK LE CNF VICE CHAIRMEN PU RAL HNIN HAKHA AH AN I TONG

CNF le Ralkap West Northern Commender Hakha Ah An ITong. CNF Vice Chairman le Thantlang CNF Liaison Office In Charge Pu Ral Hnin nih tulio boruak kong he pehtlai in Chinram ralkap bawizik West Nothern Commander he Hakha ah zanlei 4pm-5:30pm tiang tonnak an ngei. Tlaihkhihmi hna thlah ding le Duhlonak lamzawhmi pawl harnak peklo ding CNF lei nih an hal i Ralkap lei nih CDM aatuahmi palek pawl nan kan pek than lai tiah an hal hna.

CDM aa tuahmi palek pawl cu CNF camp ah um lo in India ram an zam dih cg caah pek ding a un tilo tiah CNF nih an leh hna. CDM aa tuahmi Palek pawl zoh dingah Thantlang Ralkap minung 23 cu Tlanglo in camp tiang an kalter ve hna tiah theih a si. Thantlang ralkap bawipa cu zu a ri ngai i chonh awk tha in a umlo tiah a hmutu minung pakhat nih TCP ah an chim. Credit: The Chinland Post.

Tuchun Ralkap Le CNF Tonnak Kong: Ralkap le CNF/CNA Camp Victoria ah an i tong. Ralkap le CNF/CNA upa cheukhat cu nihin March 10 ah Camp Victoria ah an i tong tiah thawng kan theih. Hi an i tonnak kong he pehtlai in CNF in Dr. Sui Khar nih “An ra ko. Hihi voi dang an rak kan tlawn bal bantuk kha a si ko. Kan i tonnak zong a tluang, tlam a tling ko,” tiah The Hakha Times ah a chim.

Ralkap a ra mi pawl kong he pehtlai in Ralkap lei hi bus le motor dang le motorcycle in an ra i minung 33 hrawng an si. Ralkap an si bantuk in an hriamnam he an si. An hruaitu hi Major nih a van hruai hna. Atu hi Ralkap cu Camp Victoria pawng Tlanglo khua ah zaan an riak, tiah khuami sin in thawng kan theih.

Nihin ah Ralkap nih CNF/CNA hmun Camp Victoria ah va lut in an i ton mi cu, Ralkap nih Cozah uknak nawlngeihnak a chuh ruang ah rammi nih duhlonak an langhter i rammi le Ralkap, Palek karah buainak faktuk kan ton lio a si ca ah hi an i ton mi kong ah khuami le rammi kan lungre a thei ngai tiah kiangkap khuami sin in kan theih.Hi an i tonnak ah zei kong dah an i ceih ti cu a chung thil le kap hnih ralkap thil a si ca ah zapi nih theih awk a tha rih lo mi a si. Cucaah a hnu ah pehzulh in thawng thanh khawh kan van i zuam lai. Credit: The Hakha Times.

Tuzan Thantlang Kong: Thantlang Mino Cawlcangh ning cu uar an um taktak khi a si ko. An hruaitu bia zong an ngai taktak. Thantlang mino pawl nih an i timh ning le bangah cun zankhua dei or an tleihmi an thlah hlan lo tiang hngah bak an timh timi an lungput ah a lang. Asinain hruaitu te hna siseh, chungkhar lei hna chimmi an ngeih caah lungrual tein an ttin hna.

Tuchun zanlei 10.3.2021 Nithum ni ah Thantlang Khuami Cung Bawi cu Ralkap nih biahal ding kan ngei tiin Ralkap Sakhan ah chiah a si caah Thantlang Mino hna le Pastor te cheukhat nih Ralkap Sakhan ah an va fuh hna i rak chuah hrimhrim u tiah an va nawl hna. Asinain, ralkap nih zeitin hmanh kan ti lai lo biahal ding kan ngei.

Cu caah kan auh mi a si kan tlaihmi a si lo tiin an tlaih mi pa a Ni le a Ttang le Pastor te zing nih a mah vu an va ton i, zeitin hmanh an ka ti lo ka him ko tiah tha tein an vai i chawnbiak hnu ah thaizing suimilam 8:00am ah rak kan tong te u an ti hna i cuti cun mipi zong nih kan lawi tak ko rih u tiah chungkhar lei in nawlnak an tuah. Chirhchan. CBN

Be the first to comment

Leave a Reply

Your email address will not be published.


*