CDM AH KAWLRAM PALIK 200 RENG LO AN LUT CANG, NIHIN THAWNGPANG

Nihin Thawngpang. 𝐓𝐡𝐚𝐰𝐧𝐠𝐩𝐚𝐧𝐠 𝐓𝐡𝐚: 𝐌𝐲𝐚𝐧𝐦𝐚𝐫 𝐄𝐦𝐛𝐚𝐬𝐬𝐲 𝐑𝐢𝐚𝐧𝐭𝐮𝐚𝐧𝐦𝐢 𝟐𝟖 𝐂𝐃𝐌 𝐀𝐧 𝐋𝐮𝐭 𝐂𝐚𝐧𝐠. Ram kip in Myanmar Embassy le UN palai ah riantuanmi riantuantu 28 hna cu CDM ah an i tel cang. USA New York minung 13 CDM ah an i tel, USA DC in minung 5 CDM ah an i tel, US LA in minung 2 CDM ah an i tel, Germany Berlin in minung 3 CDM ah an i tel, Switzerland Geneva in minung 4 CDM ah an i tel, Israel in minung 1 CDM ah ah a tel. An dihlak in riantuanmi minung 28 CDM ah an i tel.

Pahnihnak. 𝐊𝐚𝐰𝐥𝐫𝐚𝐦 𝐏𝐚𝐥𝐢𝐤 𝟐𝟎𝟎 𝐫𝐞𝐧𝐠𝐥𝐨 𝐂𝐃𝐌 𝐀𝐧 𝐈 𝐓𝐞𝐥 𝐂𝐚𝐧𝐠. Hmun kip in Palik 200 renglo cu mipi theih tein CDM ah an i tel cang. Palik cu hriam tlai an si ruang le a phunphun rungah CDM tel a duh ko nain a tel rih lomi zong an tampi rih. Cun Palik 20 hrawng cu mizoram ah an zam chung tiah theih a si. Pathumnak. 𝐘𝐨𝐮𝐭𝐮𝐛𝐞 𝐍𝐢𝐡 𝐑𝐚𝐥𝐤𝐚𝐩 𝐂𝐡𝐚𝐧𝐧𝐞𝐥 𝐀𝐧 𝐇𝐫𝐚𝐰𝐡 𝐏𝐢𝐚𝐤 𝐇𝐧𝐚.Ralkap konglam chimnak le ralkap nih tlaihmi Youtube channel (MRTV, Myawaddy Media, MWD Variety, MWD Myanmar) hna cu Youtube nih an hrawh piak dih hna. Facebook le Instagram nih cun tuan deuh ah a rak hrawh piak dih cang hna.

Palinak. 𝐊𝐍𝐔 𝐍𝐢𝐡 𝐑𝐚𝐥𝐤𝐚𝐩 𝐔𝐤𝐧𝐚𝐤 𝐊𝐚𝐧 𝐇𝐫𝐚𝐰𝐡 𝐋𝐚𝐢 An Ti. KNU nih ralkap uknak cu a hram in kan bawngh dih lai, kan hrawk dih lai tiah an ti. Nihin ah Dr.Sasa le KNU upa hna zong biaruahnak an ngei ti hna. 5. 𝐃𝐫.𝐒𝐚𝐬𝐚 𝐍𝐢𝐡 𝐔𝐍 𝐚𝐡 𝐑𝟐𝐏 𝐀 𝐇𝐚𝐥 𝐇𝐧𝐚, Dr.Sasa nih UN ah R2P (The Responsibility to Protect) timi kan ngeih khawhnak ding a hal hna. R2P timi cu ram chungah ralkap ti bantuk nih zapi minung tampi a bu in thah nawnnak hna an tuah tikah mipi nih rak i khamh khawhnak nawl a si.

Paruknak. 𝐌𝐚𝐧𝐝𝐚𝐥𝐚𝐲 𝐀𝐡 𝐏𝐚𝐤𝐡𝐚𝐭 𝐌𝐞𝐢𝐭𝐡𝐚𝐥 𝐊𝐚𝐡𝐧𝐚𝐤 𝐈𝐧 𝐀 𝐓𝐡𝐢. Mandalay ah lamkam ah a dirmi pa pakhat (kum 27) cu ralkap le palik nih an kah i a nunnak a liam. Amah cu nupi le fa ngeimi a si. A fapate kum 5 a si i, a nupi cu nau a pawi lio (thla thum) mi a si. Pasarihnak. 𝐑𝐚𝐥𝐤𝐚𝐩 𝐍𝐢𝐡 𝐓𝐚𝐧𝐠𝐤𝐚 𝐥𝐞 𝐒𝐮𝐢 𝐀𝐧 𝐅𝐢𝐫. Mandalay ah inn ngeitu um lo lio ah ralkap nih inn pakhat ah an lut i an tangka le an sui pawl an fir piak hna. An sui man cu ting 40 hrawng a si lai an ti.

Pariatnak. P𝐚𝐥𝐢𝐤 𝐥𝐞 𝐑𝐚𝐥𝐤𝐚𝐩 𝐍𝐢𝐡 𝐊𝐮𝐦 (𝟏𝟗) 𝐍𝐮𝐭𝐞 𝐓𝐡𝐥𝐚𝐧 𝐀𝐧 𝐇𝐥𝐚𝐢: Palik le ralkap nih Mandalay ah an kahmi kum 19 nute a thlan cu zohfelnak kan tuah lai tiah an hlai tiah an chim. ( A ruang an thei lo nain, an zumhnak ah ralkap nih kan kahmi a si lo, anmah mipi sandahpiahmi chungin an kahmi a si tiah chim an duh caah si dawh a si an ti.)

Pakuanak. 𝐔𝐒𝐃𝐏 𝐏𝐚𝐫𝐭𝐲 𝐔𝐦𝐦𝐢 𝐍𝐢𝐡 𝐍𝐚𝐦 𝐈𝐧 𝐀𝐧 𝐒𝐚𝐰𝐡 𝐇𝐧𝐚. Magway ( မကွေးတိုင်း ပွင့်ဖြူမြို့နယ် ကျောင်းကုန်းကြီးရွာ) ah a lawimi liomi hna cu mibu pakhat nih nam in an chunh hna caah a hmun ah minung 3 an thi i, minung 7 hliamhma an tuar. A chuntu hna hi USDP party ummi pawl an si i, an chunhmi hna hi NLD party ummi an si tiah an ti. Thawngpang laknak : VOA; RFA; DVB; BBC. Kawlram thawngpang theih duhmi le a reltu nan diklak cungah ka lawm. Kan ram nih teinak kan hmuh hlan lo kan si khawh ning cioin i zuam cio ko hna usih. TEINAK CU BAWIPA TA A SI. Amen. Credit: Abraham Sang Nawl.