BUAINAK ACHUAH HNU AH TRUMP NIH ZEITINDAH A CHIM RIH?

US cu Federal ram a si bantuk in State cio nih phung an ngeih dih. State cio nih phung an ngeihning in, election cu an tuah. Mipi nih vote an thlak. Trump cu a sung. Phung ning tein challenge khawhnak a ngei. ELECTION result cu Courts kip ah challenge a tuah. Supreme Court tiang a phan. Asinain, a sung thiam. Trump cu Mipi votes in a sung, State Courts ah a sung, Supreme Court ah a sung rih.

US ram an Democracy system le phunghrampi ningin, Mipi nih bia an chim hmasa. Court nih an chim rih. Legal tein kalnak kip ah a sungh viar hnu ahcun, ilungsak ding lawng a tang cang. Asinain, Nihin Congress joint meeting ah Vice President Mike Pence tiang, power abused tuah in, “Objection” tuah dingin a fial. Asinain Mike Pence nih US phunghrampi ningin ka hruai lai tiah a al. Cucaah, Trump cu a thin a hung.

Mike Pence nih a kan dirpi lo. Miral chia a si” tiah US le Vawleipi theih in Mike Pence cu amawhchiat. US Constitution njng in Vice President cu, Senate ah President a si lai ti a si. Cucaah, Vice President cu, Senate ah vote aa tluk tik lawng ah biachahnak ngeitu a si. Phundang in, “tie-breaker” tiah an auh.Nizan senate runoff election ah Democratic nih teinak an hmuh caah 50- 50 an si cang lai.

Cucaah, Vice President cu “Tie-breaker” dirhmun ah dir lai. Zeiruang ahdah Georgia ah an sungh tthan? November election ahkhan Republican candidate nih % cun an rak tei tuk hna nain election rule ningin percent/% ri an khiahmi an phan lo caah, nizan ahkhan election an tuah tthan i, Votes tam deuh a rak hmuhmi Republican candidate kha an sung i, tlam deuh vote a rak hmuhmi Democratic nih teinak an co diam.

Why/zeiruang ah? Riah Bia an ihal cio. TRUMP ruang ah Democratic voters an tho i, Republican “dan an dat/punished” hna tiah a ti tawk an um. Tuhi Trump supporters ruang ah congress meeting cu an ngol chung i, an von peh colh hnga maw? A fiang rih lo. Trump nihcun a sung kan khang bak lai lo a ti rih fawn i, Zei dirhmun dah an kan phanpi te lai.

TRUMP nih US democracy cu a mui a chiatter ngaingai ko. Republican Party zong a hrawh tiah tampi nih an zai hnawh. Nain Nizan Georgia election ah a fiangmi, Trump nih Voters fraud a um a timi, “Fraud voters nih sungh le awng lai a rel hlei lo, timi le Republican an sungh hi Covid bawmhnak 2000 an block ruang ah timi hi a von fiang ngai in ka ruah. Credit: Zasang Cinzah.

Relchih:Washington D.C Capital Hill Ah Khuaci An Mui.Trump Supporter pawl nih fir chom in thimmi, President kan duh lo, election result a khupthal leh a herh” tiah Washington D.C khuachung ah dohaunak an tuah, President Donald Trump zong nih biachimnak a ngei. Biachimmnak a dih hnu ah lam an zawh i, US hluttaw palai pawl meting an tuahnak Capital innpi cu an va fuh i, minung an tam tuk caah Palek nih an kham khawh hna lo caah a chung tiang zong an va luh hnawh hna.

Thil hrawh, meikhangh le thil fir cu a um lo. Black Lives Matter pawl kha cu si hna sehlaw thil an hrawh lai, mei an duah lai i, thil an fir lai tiah ka ruah.Asinain Palek le supporter pawl an i phomhnak ah palek nih minung pakhat thi chuak laak in an kah ti a si. Capital hill ah meting a tuah liomi, Senator pawl le House Representative pawl cu an himnak dingah an chuahter dih hna ti a si.

Senate le House palai dihlak komh in Electoral College vote zohfelnak an tuah i, Arizona state result an zohfel lio ah Republican party nih an dohkalh caah meting chairman a tuahmi, Vice President nih meting a ngolter hna i Senate le House ah a dang tein debate an tuah. Mah debate an tuah lio ahcun Trump Supporter pawl nih an luh hnawh hna caah an meting zong an tuah kho ti lo. Tuzan zan sumilam 6 leng chuah lo dingah Washington D.C khuabawi nih curfew a chuah caah zeidah an lawh lai chim awk a tha rih lo.Washington D.C khuapi cu Trump supporter pawl nih lam an zawh hnawh hna caah nawisen an hnuk i khuaci an muih saling a si. Credit: Salai Lairam Thang

Be the first to comment

Leave a Reply

Your email address will not be published.


*