BREAKING NEWS: ZAHNAK TLANG AH VANLONG A ZUANG TTHAN, KHUAMI HNA CU

Breaking News: Lungrethei ngaingai asi ko. Ahimnak hmun ah um khawh i zuamcio hna usih. Tuzing zongah ralhrang kawlralkap hna nih Vanlong hmangin Thantlang peng Zahnak tlang tluangthluan cu vehvatnak a tuah tthan hoi. Zahnak tlang ah hin theih cio bangin Lungler Sakhan a umnak hmun a si. Tuni ah ralhrang hna nih Vanlong in ahel ruangah khuami thinphang in an um.

Zahnak tlangthluan ah a ummi khuami hna cu ram tangah a ummi hna cu a him deuhnak hmun thinkung tangah an i thup hna i, khuachung ah a ummi hna cu a himnak ding inn tangah an i thup hna tiah theih asi. Thanhnak tuah cang bangin CDF le CNA hna nih Lungler sakhan cu nizan ah khan an rak lak. Ralhrang 12 an thah hna i, ralbawi pali le sibawi siseh adang zeimawzat an tlaih rih hna.

Ralhrang kawlralkap hna nih Lungler sakhan hi biapi ngai ah an chiah ve mi asi, Lungler sakhan hi kawlram chungah a tthabik le a him bik lai tiah an ruahmi chungah a pahnihnak asi tiah an chim. Pehzulh in ralhrang kawlralkap hna nih vanlong hmangin ngiatthlainak an tuah lengmang caah khuami zong ralring tein um hi a ttha bik.

No description available.

Thawngpang dang. Sept 14 (US lei), thaizing ah tuah dingmi UN General Assembly meeting ah ralhrangbu palai kaiter lo dingin US le China cu hnatlaknak an ngei kho cang tiah Sept 13 (US lei), tuni ah thawngpang a chuak.UN Meeting ah ralhrangbu palai kaiter lo ding timi kongah vawleicung ram ngan le ramthawng a simi US le China cu zarkhat chung biatak tein an i ceih hnuah hnatlaknak an tuahmi a si tiah Foreign Policy nih a tial.

US le China hnatlaknak ah cun UN Meeting ah NUG nih a thlahmi palai U Kyaw Moe Tun cu aa tel ve lai nain zeihmanh chim loin a um lai ti a si. Hi hnatlaknak hna hi EU, ASEAN le Russia zong nih an lung a tling ko tiah UN palai hna chimmi cherhchan in Foreign Policy nih cun a tial.UN meeting ah ralhrangbu thlahmi palai aa tel khawh lo ahcun
Ralhrangbu nih Myanmar ram aiawhtu phungning cozah si dingin aa zuammi vialte santlailo bantuk ah a cang lai tinak a si.UN chungtel ram cohlannak ceihkhangtu committee ah Sweden (Chairman), committee chungtel ah China, Russia, US, Bahamas, Chili, Bhutan, Sierra Leone le South Africa ram hna an i tel, tiah BBC nih a tial.

Be the first to comment

Leave a Reply

Your email address will not be published.


*