Breaking News, Thangzaang Khua Mi Pakhat Nih A NuPi A Thah

Breaking News: Thantlang ah Thangzang khuami pakhat nih a nu pi a thah. Hakha Pengkomh, Thantlang khuapi ah khua a sa mi Zahnak tlang Thangzang khuami Pu Si Bik nih a nupi Pi Bik Hnem cu namtong in a hngawng ah a tuk i a nunnak a liam tiah Thantlang palek sakhan in thawng kan theih.

Hi kong he pehtlai in Thantlang khuasa upa pakhat nih, “Atu thil cang hi zaanlei suimilaam 4:00 le 5:00 karlak hrawng ah a si. Kanmah nih hi thawngpang kan theih hi cu suimilaam 5:00PM tluk ah a si. Atu an umnak hi Thantlang palek sakhan he aa naih te mi zong a si fawn. Cun, amah hi a tling pah lo mi a si, a thah hnu zong ah a zaam lo. Palek nih thawng an theih le cangka in an kal i an va tlaih colh. Atu hi Palek le rian ngeitu hna nih Thantlang sii-inn ah a ruak an chiah,”tiah The Hakha Post ah a chim.

Hi i thahnak kong he pehtlai in Thantlang Palek sakhan le rian ngeitu hna sin ah pehtlaihnak kan tuah ko nain, kan pehtlaih kho rih hna lo.

Pi Biak Hnem hi a chuahkehnak khua cu Thantlang Peng, Hmunlipi khuami a si. Pu Si Bik he hin fa pasarih an ngei i Thantlang khuachung ah khua a sa mi an si. Cun, Pu Si Bik hi Pathian dawtnak a thei tuk mi le Pathian bia loin a um kho lo mi a si. Asinain, 2020 kum Christmas hrawng in khan a lung a tlau pah bantuk in a ummi a si tiah kan theih. Photo/ The Thantlang Post (The Hakha Post)

A poi hringhran ko ee hi bantk thih fah cu tan tak mi Chung khar Pathian nih um pi hram hna seh.

Be the first to comment

Leave a Reply

Your email address will not be published.


*