Breaking News : Min Aung Hlaing Cu A Ralkap 200 Leng Nih An Zaamtak Cang.

Min Aung Hlaing nih rampi uknak hramhram in a vun lak hnu, ram mipi cung ah faktuk in kut a thlak hnu in nihin tiang ah Ralkap minung 200 leng nih Ralkap Council an zam tak cang tiah Myanmar Celebrity TV page nih a nihin ah a vun tarlangh. Ralkap tampi cu ramri a himnak hmun ah an zam i cheukhat cu Tlangcung hriamtlai phu nih an an zohkhenh hna tiah Source dang pakhat nih a langhter ve.

Ralbawi pakhat, CDM ah aa tel mi nih “Ralkap nih rampi uknak an lak hnu in nihin tiang ah Min Aung Hlaing thiltuah mi a cohlang kho lo tu Ralkap 200 leng an zam, CDM ah an i tel cang” tiah a chim hi a si .Hi kong he pehtlai in Myanmar Celebrity Tv Club nih “Ralkap a zam mi dihlak hi 200 leng an si cang i CDM ah a rak i tel mi ralkap an karh ngai cang. Ramchung ralthawh nak a fak deuh deuh lai i ralkap tampi an rak zam rih lai, Ralkap tampi nih Min Aung Hlaing thil tuah hi an cohlang ti lo” tiah a tarlangh hi a si.

Nizaan lila zong ah Ralbawi rengsang ngai a simi Hein Taw Oo cu a zam ve i ramri a himnak hmun ah a um ve cang. A mah pumpak hrim nih Min Aung Hlaing thiltuah mi an cohlan lo nak le Rambawi tampi nih Min Aung Hlaing hnu zulh an duh ti lo nak kong cu RFA zongah an rak chim ve tthan.

Be the first to comment

Leave a Reply

Your email address will not be published.


*