BIDEN NIH DONALD TRUMP CU AHLOH KO, FAK TUK IN ATTHUAT

Donald Trump hnawmtaam vialte ka thianh dih lai tiah Joe Biden nih a chim pin ah fak ngai in amawhchiat rih hna. President elect Joe Biden nih Donald Trump cozah hruainak tangah aummi Defence Department, office of management and Budget hna cu fak ngaiin athuat hna. Ram ven himnak kongah ttuanpi hawi transitional team cungah lamphittu an si tiah achim.

Cun US Foreign policy konghe pehtlaiin Joe Biden nih a chim tthan rih mi cu Donald Trump nih amah pumpak ruahnak in akalpi mi hi attha lo taktak mi asi. Donald Trump nih ahnokter mi vialte cu thianh dih ka timh tiah a chim. Donald Trump hruainak tangah rampi kilvengtu agency hna chungmuru ah chiatnak taktak a chuak tiah president elect Joe Biden nih apeh chap rih.

Hi konghe pehtlaiin Acting Defence Secretary Christopher Miller nih lehnak atuahmi cu zarh thum chungah official 400 hna cu interview voi 164 tuah cang an si i, document tlap 5000 tluk chah kan theihter cang hna. Hihi Joe Biden transition team nawlnak nakin atam deuh tuk. Transition team hi kan ttuanpi peng ko lai, theih an duhmi paoh lehnak kan tuah peng hna lai tiah a chim.

Tutan ah Joe Biden nih hibia achimnak hi Kamala Harris le attuanpi hawi hna he Wilmington, Delaware ah virtual meeting an ngeih lio ah a chimmi asi. Hi konghe pehtlaiin Donald Trump cu attuanchung ah America ram ttuanpi hawi NATO asoisel lengmang, Paris Agreement on Climate Change, Iran nuclear deal siseh WHO hna cu a chuah tak hna. Biden nih atimi cu kan ram hi dirhtthan ahau i, sersiam tthan aharh, Foreign policy le national security hna cu kan remh tthan dih lai tiah a chim.

Nai Christmas ah Nashville, Tennessee ah bom apuak mi konghe pehtlaiin Joe Biden nih hitihin a chim. Kha rawhralnak nih khan minung pakhat maw mi tlawmte ruangah thilttha lo ttihnung taktak achuahter khawh timi hi a vun ka theihter tiah minung tampi nih US President atling tiah thanhnak an tuahmi Joe Biden nih a chim.

Thawngpang dang:Arauh hlan ah Kawlram le Ram pali hna cu vanlong khualtlawnnak lam onnak an tuah cang lai. Covid zawtnak ruangah Kawlram cu Vanlong khualtlawnnak hi caan zemawzat chung phihkharnak an tuah cang. Asinain arauh hlan ah onnak tuah asi lai tiah an langhter. Tutan ah hin a voikhat on an timhnak hi ram pali lawng asi rih. Cu ram pali hna cu atanglei bangin an si.

Korea le Tuluk, cun Japan le Singapore hna an si. Hi ram pali hna he i tlawn kainak cu arauh hlan ah on asi lai tiah timhtuahnak an ngei. Airline phihkharnak an tuah hi aliamcia March in khan an rak tuah cang. Sihmansehlaw atu ahcun onnak tuah tthan dingin cozah an i zuam cuahmah lio asi cang. Hi on an timhmi zong hi zawtnak i runvenning zulh in tuah asi lai tiah an chim.Hi konghe pehtlaiin Ministry of Transport and Communication Deputy Permanent Secretary U Myo Min Oo nih a timi cu tutan ah hin ram pali lawng he pehtlaihnak Vanlong khualtlawnnak hi timhlamh asi tiah a chim.

Aralai mi January nikhat ah hin zuan hram kan thok kho lai maw timi cu theih asi rih lo.Ngandamnak konghe pehtlaiin passenger hna zulh dingmi zong sersiam asi lai i, SOP ser cuahmah lio asi i, Central Committee lei nih nawlpek asi ahcun January Nikhat in kan thok khawhmi asi. Zawtnak ruangah harsatnak atong mi hna chanhchuah tthan dingin atubantuk in timhtuahnak hi ngeih asi tiah nawlngeitu hna nih an chim. VOA

Be the first to comment

Leave a Reply

Your email address will not be published.


*