BIDEN AA SUM KHO TILO FAKTUK IN DONALD TRUMP ATTHUAT CANG

Joe Biden nih Donald Trump a tthuatning cu afak ngaingai ko. Joe Biden nih atimi cu President Trump nih vawleipi theih in democracy kalphung fakpi in achiatchuahter i, American tuanbia ah president mawh phurhnak atlin lo bikmi tiah theih asi asi lai. Akhuaruah ning hi theihthiam ahar ngaingai ko, Acawlcangh ning hi thinhung ngai zong asi tiah Joe Biden nih atthuat.

Georgia state vote an rel tthanmi ah Joe Biden nih teinak a hmuh tthan, Culawng siloin Donald Trump legal team hna nih state pathum ah an chuahpi mi zong sunghnak an hmu dih. Vote an reltthan mi ah Joe Biden nih Trump cu vote 12,284 in a tei. Hi konghe pehtlaiin Joe Biden nih a chim tthan mi cu teinak ahmu dingmi cu afiang ko cang.

Donald Trump nih hin teinak ka hmu lai lo tiah a theih ko, asinain huam lo ngaiin cawlcanghnak atuahmi khi asi ko tiah a chim. Mipi vote in Joe Biden nih vote a hmuhmi hi 5.9 million hrawng asi lai tiah an tuak. US Electoral College system ahcun 306-232 in teinak a hmuh lai tiah an zumh fawn. Georgia state vote reltthan mi zong ah biden nih teinak ahmuh ko. Zeihmanh lunghrinh dingmi a um lo, tiah Georgia secretary of state Brad Raffensperger nih a chim.

Hi konghe pehtlaiin Donald Trump nih zeitindah cawlcanghnak atuah lai timi cu hitihin an langhter. vote thlatu hna duhthimnak kalh in US Electoral College ah Trump dirpi le kilhkamh dingin member an thim khawh, Trump nih Michigan’s Republican lawmaker cu White house ah ton biaruahnak angeih ti asi.

Relchih:Pope nih nungak hmanthlak LIKE atuah mi kongah dotthletnak kan tuah lai tiah an chim cang. Hi konghe pehtlaiin Vatican nih Pope official Instagram account in, Brazilian model hmanthlak LIKE atuahmi kongkau cu dottletnak tuah a si lai tiah an chim. Pope account in LIKE atuahmi hi Natalia Garibotto asi i, Sianginn uniform he hman aa thlaknak atar mi ah LIKE atuah hi asi. Pope nih LIKE atuahmi kongkau hi aluancia zarh ah khan thawngzamhnak kip nih an langhter cio hna.

Asinain sau arauh hlan ah Pope nih LIKE atuahmi cu unlike atuah tthan. Hi konghe pehtlaiin Holy See officials hna nih cun Pope account in LIKE atuahnak aruang cu dottletnak tuah cuahmah asi ko tiah an chim phuan ve. Cun LIKE atuah mi konghe pehtlaiin Instagram hna sin ah chimfiannak tuah dingin halnak tuah cuahmah lio asi tiah Vatican thawngthanhnak nawl angeimi nih Guardian Newspaper thawngzamhnak ah a chim.

Pope official Instagram account hi follower 7.4million angei mi asi i, User name ah franciscus tiah ahman. Hi kong thiamthiam he pehtlaiin Catholic News Agency nih Vantican Press office thanhnak tuahmi cu alanghter chin ve, Pope Francis account hi rianttuantu tthenkhat hna nih an zohkhanh in an bultawl mi asi tiah an chim pin ah hi konglam cu dottletnak tuah cuahmah lio asi ko tiah an chim ve.

Be the first to comment

Leave a Reply

Your email address will not be published.


*