BIA AN CHAH HNU AH TRUMP NIH FIANG KO IN A CHIM CANG

US President Donald Trump nih video hmangin biachimnak a tuah ve cang. Mah bia Donald Trump nih a chimmi hi US House nih impeach an tuah hnu ah a chimmi asi. Donald Trump nih fiangte in a chimmi cu hi kong hi fiangte in chim ka duh. Aliamcia zarh ah thaazaang chuahnak kan hmuh mi le kan theihmi kha apoi taktak mi thil asi ko. Nanmah bantuk in kei zong ka khuaruah ahar.

Hi bantuk Politic thil ah Politic violence cu ka cohlang bal lai lo tiah a chim pin ah phung le lam atthatuk mi tangah zarh khawh a ralaimi January ni 20 ah Joe Biden US President luhnak or laknak cu kalpi asi khawhnak dingah Federal cozah hriamnam siseh adang thil hna cu timh tuah dingin US President Donald Trump nih tutan kong he pehtlaiin thanhnak a tuah.

Thanhnak tuah cang bangin Donald Trump cu House biachahnak cu rianrang in Senate ah kalpi dingin Democrats hna nih an timh. Asinain Trump impeachment kongkau cu January ni 19 hlan ahcun ceihkhan asi lai lo tiah Senate Majority Leader Mitch McConnell nih a chim. January ni 20 thok cun Democrats hna nih White House siseh House le Senate hna cu an kut tangah an chiah cang hna lai.

Joe Biden luhnak cu thatein kalpi asi lai, atu hi Ni 7 te lawng aa duh ko cang tiah a chim. Republican senator pahnih hna nih cun Trump hi arian aa din colh ding asi tiah nawlnak an tuah ve. Senate ah vote thlaknak an tuah lai dingmi zongh Republican senator minung pali hna nih cun Trump ralchanh in vote thlak an timh ti asi. Asinain Republican minung tampi hna nih January ni 20 tiang cu Trump hi thatein um ko seh an ti ve.

Tutan ah House nih biachahnak an tuah mi hi Senate ah thenthum ah thenhnih nih Trump apalh ko an ti i, sualphawt asi ko ahcun zeitindah Trump hi an tuah te lai timi theih asi lo. Biachahnak tuah aharsa ngai dingmi asi tiah an chim. Nain Simpel majority 51-49 bantukin Trump cu aralai dingmi caan ah cawlcang kho ti lo dingin an tuah khawh ti asi. Hi nih alanghter mi cu Democrats hna nih Trump cu aralaimi thimnak ah ai tel ding an phang ti asi.

US President caah Joe Biden luhnak ni le caan ah hin Trump cu tel ai tim lo. Vice president Mike Pence le George W.Bush cun Bill Clinton le Barack Obama hna cu tel an i tim tiah an langhter. Hi lak ah Democrat president tthing asimi le President chungah kum upa bik asimi Jimmy Carter tu cu a kumkhua a upat deuh caah aitel kho lai lo ti asi. Tulio US sining cu khuaruahhar lei asi ko cang hih.

Be the first to comment

Leave a Reply

Your email address will not be published.


*