BAWMHNAK KONG WHITE HOUSE AH AN CEIH CANG

Coronavirus Bawmhnak Kong White House Ah An Ceih.Tuchun ah President Trump le Republican hruaitu pawl cu White house ah tonnak an ngei I, zetindah a voi 2nak cozah bawmhnak kan tawlrel lai timi kong an ceih. Republican party hruaitu hna nih federal cozah nih pandemic umempolyment benefit pekmi [ zarh khat ah $ 600 pekmi ] cu donghter an duh.

Mah kan pek peng hna ahcun rian ah kir an duh ti lai lo tiah an ruah. Treasury Secretary Munuchin nih cun company pawl Tax credits pek I riantuantu hna him tein rian an tuan khawhnak dingah a herhmi thilri vialte pek ding le riantuantu hna tax tlawm deuh in laak I an hmuhmi tamter deuh ding in bialu an chuahpi.

Senate Republican hruaitu, McMconnel nih cun kum khat ah $40000 in a tanglei a ngahmi pawl hi a har bikmi an si caah mah hna caah a hlei in kan ruah a hau tiah kan hnu ah khan a chim.Thaizing ah Treasury Secretary Munuchin le White house chief of staff, Mark Meadow nih Republician hruaitu hna he thaizing ah tonnak an ngeih rih lai, mah hnu ah Democratic paty hruaitu he tonnak a ngei than te lai.

Princeton Professor Carol Swain Nih BLM Paawl Cu Maxist A Ti Hna.Princeton University ah professor a rak tuanmi minak nu, Carol Swain nih minak pawl a ttanhmi phu, Black Lives Matter cawlcangh cu Democrats pawl nih an dirpi mi, Marxist cawlcanghnak a si caah US rampi a kan hrawktu ding an si tiah Fox news interview ah a chim.

Democrats pawl nih minak pawl kha anmah duhmi agenda tlinter nak caah an hman hna an si, mah cawlcanghnak nih kan ram rawhnak a chuahpi khotu ding an si. A ho kan ca hmanh ah thatnak a chuahpi kho dingmi a si lo” Black Livers Matter phu pawl hi civil right organization si lo, politic a tuahmi phu an si” tiah a ti. Cattialtu Salai Lairamthang