BAWMHNAK KONG THAWNGTTHA CHECK ZONG KAN PEK COLH HNA LAI

Second Stimulus Check. Democratic Party hruaitu, House speaker Nancy Pelosi nih House representative palai pawl cu Capital hill ah meting a auh hna i tulio hi meting an tuah cuahmah lio a si. US postal service timi USPS nih November nithum ni President thimnak ah thimfung felfai tein an kuat/phawtzawmh khawhnak dingah US$ 25 billion bawmhnak pek dingah an chuahpi I, Republican party he ceihhmainak an tuah lio a si.

Republican party cheukhat le President Donald Trump nih democrats pawl nih US$25 billion USPS pek an duh hna ahcun virus ruangah harnak a tongmi small business pawl bawmhnak PPP chap ding le a voi 2nak Second Stimulus check telh chih ahcun cohlan dawh an si. White House chief of staff, Mark Meadows zong nih small business a rawkmi tha tein an himnak dingah kan bawmh khawh ko hna ahcun USPS zong bawmh khawh a si lai I, President nih thaizing ah minsen a thut lai I, second stimulus chek zong kan pek colh hna lai tiah a chim.

Joe Biden A Uarmi An Zor. Democratic Party aiawh in President a cuh dingmi Joe Biden nih official tein candidate cohlannak a tuah. Presidential candidate cohlannak a tuah lio TV in a zohtu hna cu Hillary Clinton nih democratic party presidential candidate cohlan lio TV in a zohtu hna nakin 21% in an tlawm deuh ti a si. Joe Biden nih a cohlan lio cu TV in 21.8 million lawng nih an zoh ti a si. Democratic party convention a zohtu zong 50% tluk an zor ti a si. President Donald Trump cu 2016 Presidential candidate cohlannak a tuah lio ah TV in a zohtu 34.9 million an si.

Apple Firm US$ 2Trillion. Coronavirus ruangah company tampi a pur nain coronavirus ruangah company cheukhat an thangcho I, an rum chinchin ve. Apple company cu an stock le share man a kai tuk caah Apple firm nih an ngeihmi cu US$ 2 trillion tiang a phan ti si. Amazon cu $1.65 trillion, Microsoft $1.6 trillion, Google $1.06 trillion a phan. Virus zawtnak chungah stock a kai bikmi hna cu Apple, Facebook, Amazon, Zoom le Telsa an si. Salai Lairamthang

Be the first to comment

Leave a Reply

Your email address will not be published.


*