AUSTRALIA COZAH NIH ZULHPHUNG ATHLEN CANG, MAH TEIN I PEK ASI LAI HIH

Australia cozah nih zulhphung a tuahmi aletthan. Ahlan zulhphung a chuahmi chungah atu cu minung tlawm deuh in rikhiah atuah piak tthan. Australia cu nikhat nikhat in zawtnak karh hram aa thok cang ruangah ram mipi asimi ramleng ah a ummi hna cu ramchung ah kirtthan khawhnak le minung cuzat timi biachahnak a rak tuah.

Biachahnak nawl a chuahmi chungah ramchung minung a simi ramleng ah khualtlawng pawl cuzat khazat lawng an rak kir lai timi zulhphung a rak tuah. Ahlan a rak tuahmi nak tlawm in atu ahcun biachahnak nawlthar a chuah tthan. Hi konghe pehtlaiin atang lei bantuk in tutan ah nawl an chuah tthan mi cu a si.

Tuan deuh ahcun ramdang in minung thongriat hi zarhkhat chungah Australia an rak kir lai tiah rak thanh a simi cu aralaimi zarh in cun minung thongli lawng a si cang lai tiah Prime Minister Scott Morrison nih nawlthar an chuah mi konghe pehtlaiin fianternak le thanh nak a tuah.

Culawng siloin ram dang in a rak tlungmi hna cu cozah nih zulhphung a ser bantukin Ni 14 chung erh khumh an si dih lai tiah thanhnak an tuah. Hi erh khumhmi minung hna cu erh khumh an si chung ah an dih tangka vialte hna zong an mah tein an dih a hau lai tiah langhter chih rih a si.Afawinak cun Ni 14 um chungah adih mi vialte cozah nih liam loin mah tein pek asi lai tinak asi.

Relchih:Melbourne Nichuah Factory pakhat ah Coronavirus zawtnak an hmuh.Melbourne Nichuah lei Factory pakhat Tuff Tounneus timi ah rian a tuanmi pakhat sinah Covid19 zawtnak an hmuh tiah theih a si. Hi Factory ahhin Laimi zong Minung 10 tluk an tuan ve. Tutan ah Zawtnak an hmuhmi Laimi a si. Nikhatni ah cumpi pah btk khuhpah btk in a um caah hneksaknak tuahter a si.

Hneksaknak ( Test result) a fian hlan paohpaoh rian an tuanter lo. Inn ah umter a si. Tuzanlei tlai hnu ah Zawtnak a ngei( Positive) a si tiah Factory tuanvo ngeitu hna nih riantuantu hna sinah tehihternak an tuah hna pinah Hneksaknak ( Testnak) rianrang in tuah ding forhfial an si hna. Cule cangkaa, cuka I rian a tuanmi hna nih Community Upa hna sinah thanwgpaang theihternak a hun tuah colh tik ah kan I lawm hringhran ko.

Hihi Miphun dawt a si. Pawngkam zawnruah a si. Dawtnak taktak a si caah cuka I rian a tuanmi kan Nulepa hna le Fanau hna Cungah lawmhnak bia kan chim.Cucaah rilrin a hau ti kan ruah caah Community Upa hna nih Thawngthanhnak le lakhruak zoom meeting tuah colh a si. Lakhruak a si nain Melbourne Nichuah lei Pastorte hna le Khrihfabu lutlai hna tlin dih a si.

Zeitindah kan I bawmhcanh lai ti le ralrin kan thiamnakhnga zong biaruahnak ngeih colh a si.Thinpang in um ding a si lo. Kan Him hrim ko lai. Bawipa nih a kan ven ko. Pakhat le pakhat zawnruahnak ruangtu ah Thawng kan hun I thanh bia si.Cucaah kan dihlak tuanvo kan ngei. Ralril kan herh. Nawlngai tein um cio hna usih.

Lenkai le chawhvan I ralring hna usih.Anhmunnak factory : Tuff Tounneus 2 Industry Pl, Bayswater VIC 3153.Rianrang deuh in test tuah a duhmi nih a tanglei hmun ahhin I test khawh a si.435 Burwood Hwy, Wantirna South Vic 3152. Site entry : Enter gate 5 from Burwood Hwy, Follow road to Multideck L -2, Carpark entrance. Miphun zawnruahnak he, ACCEM