APOITUK EE, TUCHUN AH TUANBIA THAR MANDALAY KHUAPI AH A CHUAK

Tuchun Mandalay thilcang cu ee, apoituk ti lengin chim ding a um tilo. Philh awk attha tilomi tutan buainak ruangah chiatnak thawngpang a chuak ee. Tuchun ah Kawlralkap le pale nih Mandalay ah minung an thahmi hna cu tuchun tiangah nikhat chungah atambik an thih asi. Tuni bantukin cuhlan ah a nunnak aliammi hi Mandalay ah an um rih lo i, tutan thihnak hi atambik mi asi tiah an chim.

Tuchun zong pehzulh in hmunkip kaakip ramchung ah ralkap uknak lakmi duhlonak cu mipi hna nih lamzawhnak in an tuah. Hi konghe pehtlaiin Mandalay ah a ummi mipi hna nih lamzawhnak or duhlonak cu aphunphun in an langhter. Cu lamzawhnak atuahmi hna cu kawlralkap le palek hna nih mitthlitlak nak gas in siseh, meithal in an kah tthan hna i, minung pakhat cu alu ah tlenglak in an kah ti asi.

Tuni Mandalay ah a nunnak liammi an tambik caan asi i, tuchun ah a nunnak aliammi hi theih khawh mi chungah minung pariat an si i, hinak tam zong an si kho tiah an chim. Tuchun nitiangah mandalay ah ralkap le palek kahnak in a nunnak aliammi hi minung pakul hrawng an si cang i, tuchun bantukin nikhat ah mah zetzet an nunnak aliam hi a um rih lo. Tuchun hi an tambik tiah an chim.

Nikhat hnu nikhat in kawlralkap le palek hna nih lamzawhnak atuahmi hna cu hriamnam hmangin an kah chin lengmang hna. Sihmanhsehlaw mipi hna nih lamzawhnak an tuahmi cu ngol an tim ve hlei lo. Thih le thih, nun le nun tiah hmunkip kaa kip ah lamzawhnak cu an pehzulh hna tiah thawngzamhnak nih alanghter.

Relchih:Ruassia Hmanh Alung Dong Cang. Kawlralkap caah thawngpang chia taktak a chuak cang. Kawlralkap thiltuah mi kongah Russia zong an lungdong ruangmang ve ko cang. Kawlralkap he pehtlaihnak or ttuantinak an ngeihmi zong kan chah khawhmi asi tiah an chim cang. Theihcio bangin Kawlralkap adirkamh mi chungah Russia abiapi ngaingai mi pakhat asi. Russia nih cuhlan ahcun Kawlralkap a dirkamh hna.

Asinain atu ahcun lung-aw ttawm in an um ruangmang cang. Tulio kawlram chungah a cangmi thil cu ruahnak lengin a zualhma ngaingai cang. Hi bantukin kawlralkap tuahsernak ruangah thil a cangmi konghe pehtlaiin Russia cozah nawlngeitu pakhat nih a chimmi cu Kawlram thilcang hi thinlung akhoih taktak mi thil asi ko tiah Russia nih cun kan ruah tiah a chim.

Mah lawng siloin zei sualnak ngeilo mipi an thi lengmang sual lai timi hi kan thin aphang ngaingai ko tiah Russia presidential Security office spokesman Dmitry Peskov nih thawngzamh tu hna sin ah a chim. Kawlram dirhmun hi thinphang asi kan theih i, dottletnak kan tuah cuahmah lio asi. Sualnak ngeilo civil an thih chin lengmang mi thawng kan theih tikah kan thin aphang ko tiah a chim rih.

Ralhrang Kawlralkap thiltuah cu Russia caah thinphang ngaimi pakhat asi i, thil a cangmi hi thatein kan cuanh ko i, Kawlralkap he ralkap lei ah ttuanttinak kan ngeihmi zong hi ngol ah a ttha lai maw timi kan i ruah cuahmah lio asi tiah a langhter chih. Kawlralkap nih uknak an lak hnu ah tutiangah theihkhawh mi chungah minung 70 renglo nunnak aliam cang i, minung thonghnih hrawng an tleih cang hna tiah theih asi. Credit. PEOPLE MEDIA

Be the first to comment

Leave a Reply

Your email address will not be published.


*