AN VUN PHOZAR CU LUNG AFAK TUK HRINGHRAN KO

US President Donald Trump a dirkamhtu le Khrihfa zumtu ttha asimi cu Donald Trump a dirkamh ruangah a nunnak an lak. Hi konghe pehtlaiin Trump a dirkamhtu hna nih hin Joe Biden siseh Hillary Clinton siseh a dirkamhtu hna hi an nunnak an lakmi hna theih ding aum rih lo ti asi. Asinain Donald Trump a dirkamh tu hna cu a nunnak aliammi an um lengmang cang.

Naite ah khan Media pawl nih an thuhnawhmi thil acangmi cu tutan ah an vun langhter cang. Kan hnu zarh chungah khan minak asimi Burnell Trammell timi cu Milwaukee ah Trump dirkamhnak cabia VOTE TRUMP timi aa put ruangah a nunnak an lak tthan. Sihmanhsehlaw tutiang ah CNN siseh Media dang hna hi kongah zeihmanh an chim duh lo.

Trump dirkamhnak ruangah chun laicer bak ah an thahmi asi ko nain zeibia hmanh an langhter duh lo tiah an chim. Tutan ah an langhtermi Burnell Trammel hi Khrihfa zumtu ttha taktak asi i, Video atuah mi zongah hitihin bia a chim. Mipi vialte hna Bible hi rel lengmang uh tiah a chim pin ah Trump a uarnak kong zong alanghter chih.

Culawng siloin naite aliamcia deuh zongah Trump dirkamhtu Conservative Journalist Andrew Duncomb cu a hnu lei in namte hmangin an sawh tthan rih. Amah hi kum 25 te lawng asi rihmi asi. Donald Trump president a vun si bak in Trump dirkamh ruangah a nunnak aliammi hi an um ngai cang. Trump president attuan ka zongah khan nungak tlangval Cinema a zohmi hna cu Trump an dirkamh ruangah a tlangval cu a nunnak an rak lak cang.

Culawng siloin Trump president attuan hnu ah meithal kahnak a chuak mi vialte hna zong hi dottletnak an tuah tikah Left wing lei lawngte an si tiah an chim. Naite George Floyd athattu Police Derek Chauvin zong kha Democrats chungtel minung asi tiah an chim chih. Cutluk cun thil akal ko in a cangmi asi ko nain Media pawl hna nih cun Democrats thangchiatnak thil vialte hna cu zapi theihter loin an thuhnawh dih tiah an chim.

US President Donald Trump dirkamh ruangah a nunnak aliammi le fahnak atuarmi minung tampi an um cang hna. Hi thawngpang Trump dirkamh ruangah thil a cangmi vialte hna hi zapi nih cun theih khawh asi lo tiah an chim. Aruang cu Trump a huatu Media pawl hna nih hin an thuh nawh dih lengmang caah asi tiah an chim. Tutan langhter mi zong hi an thuhnawhmi a si tiah an langhter chih.