AN PUAI NI LAWNGAH A NUPI SINING A THEIH, ATTHEN COLH BAK

Puai an tuah cuahmah lio ah a Nupi konglam a theih cu, a tthen colh. Ni le caan an thawnmi 2020 Olympics ah Russia ram ai awh in zuamnak ah luh aa timmi kum 24 asimi Russian Wrestler Zuarbek Sidakov cu Kum 25 asimi Madina Pliyeva he thitumnak an tuah mi cu an let ruangmang. Atu bantukin an i letnak cu atanglei bangin a si.

Russian Wrestler Zuarbek Sidakov le Madina Pliyeva cu Russia ram North Caucasus region ah thit umnak an tuah. An puai zong a hlung hlai ngaingai i, puai a zawhmi zong minung 500 an tling ti asi. Thitumnak an tuah hnu ah Wedding party an peh colh i, an miphun lam he a phunphun in nuamhnak in caan an hmang.

Culio ahcun Zuarbek Sidakov cu video le message an rak kuat. Cakuat le video ahcun a nupi Madina Pliyeva cu Russia mirum pawl hna nih an rak hruai lengmang mi asinak kong asi. Mirum pawl nih an duhning paoh in an rak tuahto mi nu asi a vun theih tikah Wrestler Zuarbek Sidakov cu athin mei bangin a lin.

A thinhun tuk caah a nupi cu a sam in a tleih i, ttuangah a hnu thluahmah, Tthit umnak kan tuahmi vialte zong phiat dih asi tiah mipi hmai ah a chim i, a nupi cu ttah lawngte arian ti asi. Hi konghe pehtlaiin tthenkhat nih an chimh mi cu, na nupi hi aliamcia caan ah mirum pawl hna pawkhimnak a si, a nun tthing thei loin nupi ah angeih tiah an chim.

Thawngpang thalo a vun chuah tikah a nupi a pa zong alautuk caah sizung an kalpi tiah an chim. Culawng siloin a nupi Madina zong Moscow ah a konglam theih loin aa thup tiah langhter chih asi. Hi konghe pehtlaiin an langhter ning ahcun a liamcia kumthum hrawng ah khan Madina hi Russia mirum pawl hna he an i kom tawn ti asi.

Tutan ah video an kuatmi zong hi a liamcia kumthum liota a si tiah an chim. Hikonghe pehtlaiin biadik biahman a si maw silo timi hi dottletnak an tuah cuahmah lio asi tiah an chim. Theihding: Nupi thit, va ngeih lai ah hin ka nupi ding hi zeibantuk minung dah arak si i, ka vapa ding hi zeibantuk minung dah asi timi hi a hlanken tein dottletnak i tuah cio ding.

Be the first to comment

Leave a Reply

Your email address will not be published.


*