AN INNCHUNG BAK AH KAL IN BIA KA RUAH HNA LAI: DR. SASA

VOA nih Dr. Sasa an Interview-nak(A hmasa in .. UN Myanmar Palai hi Dr.Sasa lawng asi lo. Ralkap leiin Cozah Palai zong an i tel ve tihi kan theih a hau).Biahaltu VOA: CRPH aiawh in UN Palai na si cang va si kaw, zei tin dah na umkal țhut dir ning ding kong le rian na awt ning ding timi kongkau na kan chim kho hnga maw ? Dr. Sasa: A hmasa bikah , November 8, 2020 i thim nak ahkhan a hman mi Democracy phungning tein mipi le keimah nih aiawh tu tuding kan rak tuak tan ( thim ) dih cang.

Cucaah kan thim mi pawl caah ka sikhawh chung in ka tuah ka țuan lai. A hleiin, Vuleicung ramkip le UN hmaiah mipi aiawh in ka dir lai. Minung ( ting thong nga leng 54 ) nih anmah aiawh tu ding ah an zumh mi minung 400 lengkai hi an kan thim mi kan si. Vulei cung ramkip ih, Parliament nawlneih nak sang deuh a nei mipawl le USA phunghram a dirhtu hna, Senator te zong si hnaseh an inchung bakah va kal in ka va komh hna lai ih,

Mipi nih Myanmar mipi aiawh tu Palai ah an thim mi hna hi nan sikhawh chung in rak kan dirkamh ve uh Rak kan theihpi ve uh …tiah ka nawl hna lai. Cubantuk cun ” cun England Member of Parliament zong ka chimh cang hna. Parliament Chairman he zong i chonh biak nak kan nei cang. Hihna hi ka rian ka thok hmasa bik lai tiin kai timh tuah mi cu an si.

VOA: Khatlei ah Myanmar cozah ( Ralkap ) leiin UN Palai an rak um ve caah, UN nih hin an in pom/theihpi (Acknowledge) lai tihi na zum maw?Dr. Sasa: An kan pom/theihpi maw pi loah ka buialoh. Myanmar mipi nih an kan pmo le an kan dirpi ahcun a za ka ti. Myanmar mipi nih an kan pom ahcun thildang a herh tiloh. Tuah ding timi timhcia dih in tampi ka tuaktan cia dih. Zeipauh kai tinhcia dih.UN ih Upa mi lianngan hna he zong i chonhbiak nak kan nei dih cang.Thil hi a sawsawh in a tuah mi ka silo caah Palai 400 leng kai nih an mah aiawh dingin an ka pom ih an ka thim ih, cun an ka zumh cun ka caah a za.

VOA: Ralkap nih uknak an i lak mi kong hi UN nih a Theih / Pompi na zum maw? Dr. Sasa  Hithil hi cu, Vuleipi zong nih thang piin a aw a chuah cang. Vulei cung Democracy Ram tampi nih an Theih/Pom pi ti a um rih loh. An Pom lo tuk ruang ah Cheukhat bang nih cun Ralkap hruaitu cheukhat pawl cu dantat nak an peh leh hna kha. Cucaah cun Vuleicung ramkip siseh, kan ram pawngkam a simi Tuluk ( China ) voikhat te zong a holh duh ballo mi hmanh nih “HI BANTUK DIRHMUN HI CU HMUH KAN DUH MI A SI LOH” tiah a sik ve khah.

Ralkap uknak a cozah zong nih a theihthiam hi a za cang ka ti. Tunak in tamchin in thisen a chuah hlanah hin Ralkap zong nih khuaruah nak an neih hi a cu tuk cang. Thil țhalo tatak asi an ti ih , a tu le bang cu Mipi tampi mah’ in ‘inchung lum te hmanhah um ti loin lampi zawh in khua an sak tikah Mipi caah a him loh. Cozah řian țuan tu hna ca zong ah a him lo. Ralkap cozah ca zongah a him loh – hrem nak faak tuk an tlun ter chin lai pinah a ra lai mi hmailei can saupi tiang thil țhalo taktak tampi a tlun ter khawh .

Vulei cung ramkip ih Myanmar Embassy vialte zong Myanmar mipi leiah țang ding in kan nawl colh hna . CDM Movement hi Embassy vialte ah tuah viar uh. CDM nan ti caah zeihmanh sungh ding nan nei loh. Mipi nih Pasalțha sinak kan in pek leh hna lai hih. Mikip nih ram caah raltha tein nan dir ding asi ahcun mihrut rumro kan si ve loh. Kan in philh hna lailoh.

Democracy an țhawn țhan ih teinak an van hmuh ahcun CDM pawl hi Phungning bakin zawnruah khun ( uu sa ) pek khun mi an si lai. Cubang si loin A tuih mipi au aw le mipi nih UN palai caah an thim mi hna au aw ngai duh loin Ralkap le meithal kan i bochan ih kan pom hna a siah cun kan ca ah a thatlo hlei ah kan chungkhar , kan tuu le fa hna ca tiang zong th thil thalo taktak asi lai.

VOA: UN nih Myanmar kongkau ah Emergency Meeting a auh lelek ih. Geneva zongah UN nih Emergency Meeting a auh lelek fawn. Tuzarh chung ni 5 ni (Friday) ni zongah Myanmar kongkau i ceih ți dingin UN hmunpi NEW YORK ah Meeting ( Formal Meeting ) neih țhan ding asi. CRPH UN palai na si ve caah hi Meeting ah hin Myanmar dirhmun hi zeitin dah a si? Zei dah nai ruahchan ?Zeiti tuah ve dah nai timh?

Dr. Sasa: Hi kong hi cu chim len a hau in ka thei lo. Kei cu Myanmar mipi aiawh tu Palai ka si. Ralkap cozah aiawh tu ka siloh. Cucaahcun, Ralkap aiawh tu Palai nih an chim ding an chim laiih kei nih mipi nih an thim mi aiawh tu minung 400 hna caah ka dir lai. Mipi ka laiah an țang . UN security Council zong siseh UN Human Rights Council zong theihhngalh mi tampi ka nei cia hna.

Myanmar Human Rights UN a hleiin Palai Thomas Andrew he zong chim ding tampi kan nei. Cucaah cun, zeihmanh țihding a um loh. Pompi le theihpi mi kan si cia. Tutan Meeting ding mi ah hin British Cozah nih Chair rian an tlaih lai . March thla in US nih Chair an tlaih ve lai ih biachim nak can an ka pek ahcun bia ka chim lai.

VOA: Asiahcun na chim ning tein America EU nih British…….. cubantuk asiah cun Western ram hna nih hin an kan theih / pom pi lai tihi na zum maw ? Dr. Sasa: Hihi cu a fiang cia. An kan pom pi lo asiah cun Democracy an pom loh tinak asi lai. An nih lei hi cu chim ding ka nei lemlo. Nizan zongah khan British Parliament Chairman cheukhat hna he biaruah nak kan nei cang. UN hruaitu cheukhat hna he zong kan i chawn hna. An nih nih cun zeipoh an theihthiam dih. Bia kaahnih khat ka chim cun an ka zumh dih. Kannih hi an kan theih / pom lo a siahcun Democracy an pom loh tinak kha asi ko.cu caah cun Mipi hi an kan theih/Pom lai tihi a fiang tuk mi asi. Translate by Um Har Phen MK. Credit, Justin Mizo. Laknak: Um Har Phen

Be the first to comment

Leave a Reply

Your email address will not be published.


*