AMAK CANG TRUMP LE JOE BIDEN AN I SEH CANG HIH, VUN ZOHCIO TUAH UH

US President Donald Trump nih US ramchung himnak national security caah a biapi tukmi pakha cu US-Mexico karlak ramri vampang chon hi asi. President nih a chim pengmi cu, Mexico ramri leiin phungning lo mipem, ralzam tamtuk an lut. Cun, misual mithalo le sii ai zuarmi siseh, minung fir hmang an lut chuak.

Cu pinah ralhrang tampi cu ralzam bantuk in an I umter i athli tein US ah an lut. Cu hna nih cun ni hin ah US mipi mithli a kan tlaktertu an si. Cu caah ramri vampang kan chon hrim hrim a herh tiah a ti. A tu tiangah meng 415 hrawng cu chon asi cang I, meng 450 tluk hi chon rih ding a tang rih. Mah cu cu BIDEN nih zeitindah a chim ti ahcun, US-Mexico wall chonmi hi keimah nih cun ka peh lai lo.

Zeicatiah hi hi kan ram caah a herh bikmi asi lo tiah a ti. Mah kong ah bill an chuahpi zongah min ka thu lai lo tiah achim cia cang. President Trump nih ramchung mipi himnak dingah tuah hrim hrim ding tiah a ruahmi cu, Biden nih zeihmanh ah a rel piak lo. A tu hi mah kongah Customs and Border Protection le Biden team cu tonnak ngei dingin khuakhannak an ngei cang. Hmaizarh chungah US Army Corps lf Engineers le Army officials hna cu tonnak an ngei lai tiah CNN nih achim.

Relchih:US President thimnak ah Joe Biden nih Mee in a tei ngai mi a tu lio American President Donald Trump Twitter Account cu zerhnih chungah FolloweRS Ting 2 leng(220,000) bak an zor tiah theih a si. Factba.se nih dothlatnak an tuah ning ahcun Donald Trump Twitter Account Followers a tambik caan cu Novenber 17 ni kha a si tiah an langhter. Novenber 17 ni ahcun Donald Trump Twitter Account Followesrs a tuahtu hi 88,964,791 an si tiah an langhter.

Novenber 18 hnu thawk in Donald Trump Twitter Account Followers a tuahtu mipi pawl an zor thluahmah. Unfollow a tuahtu minung (220,422) bak an si. Mah hi hi kum 5 chungah Donald Trump Twitter Account Followers an zor bik caan a si tiah an langhter. Donald Trump hi Ramdang mi hruaitu cheukhat he ai dang ngai mi a si i, social media a hmang ngai mi a si. A tu ahcun Donald Trump cu President thimnak ah Mee in a sungh caah a biachim ning le mipi hmuhnak a langhter mi ca pawl ruangah mipi cheukhat cu an lung a tling ti lo i, Unfollow an tuahnak a ruang hi a si ko tiah an chim.

Donald Trump cu Social Media a hmang ngai mi a si ko nain, President thimnak i, a sungh hnu ah President pakhat dirhmun in a ramchung minung Covid-19 in minung (23,00) an thi ko nain, a hman mi Twitter Twitter Account ah voikhat hmanh a langhter lo i, thimnak ah lih le hrokhrol a um tiah voi 97 a langhter ruangah soisel le thangchiat a tong ngaingai.

Nain, Joe Biden Twitter Account cu Followers a tuahtu an karh thluahmah ti a si. November 3 thimnak an thawk hnu in Followers tuahtu 40% bak an hungkarh. Tuandeuh lio ahcun 11.8 million lawng an si i, 20.6 billion tiang bak an hungkarh. Donald Trump cu ni 18 chungah Follower a tuahtu 220,000 leng bak an hung zor, an tumchuk. Nain, Joe Biden Twitter Account Followers a tuahtu thar hi 1.5 million bak an hungkarh. Asinain, Twitter Followers ahcun tuandeuh lio Obama hi an tluk kho rih lo. Obama cu Followers tuahtu 125 million bak a ngei mi a si. Ref: Forbes

Be the first to comment

Leave a Reply

Your email address will not be published.


*