AA CAAH CUN THAWNGPANG CHIA LE LUNGRAWK NGAI SI CANG

Rakhine miphun cungah AA nawlngeihnak, cawlcanghnak a hun ngan ngaingai cang mi, hrawh than dingin Ralkap lei nih timhtuahnak an ngei cang. Cu caah Rakine ramkulh, Kyaukphyu Township chung ah a um mi Khuabawi dihlak hna cu Kawl ralkap nih an auh hna i AA cawlcanghnak tha tein ngiat ding le report pek ding in order an chuah hnawh hna pin ah ralrin an pek hna tiah Myanmar Now nih a tarlangh.

A luancia July thla ah khan, Rakhine ramkulh chung pulrai zawtnak control khawhnak ding ah tiah AA hriamtlai nih Stay at Home an thah, cun buainak tete tawlrel khawhnak ding ah tiah Rakhine ramkulh Biaceihnak Department zong hun nak an tuah hnu ah Kawl ralkap lei nih tu bantuk in ralrin peknak an tuah hi a si tiah Kyaukphyu khuapi khuabawi pa nih a chim.

ULA/AA nih Rakhine hmumram chung ah an mah tein Biaceihnak le Buainak tawlrelnak an tuah maw timi pawl an kan hal, cun AA nih Rakhine ram kong ah an mah tein biaceihnak, biachahnak le khuakhan nak an ngeih sual citcet ahcun a rannak in report rak tuah uh tiah ralrin nak zong an kan pek” tiah khuabawi pakhat nih Myanamr Now sin ah a chim hi asi.

Hi kong he pehtlai in Kyaukphyu pengkulh chung Khuabawi dangdang zong pehtlaihnak kan tuah hna, a si nain hi thil kong hi cu a thlithup deuh, nunnak himnak caah tihnung a si caah hal len rih duh hna hlah uh tiah Kyaukphyu khuabawi nih Myanmar Now cu ruahnak an kan pek ti asi. ULA/AA nih Rakhine ramkulh cu an mah nawlngeihnak in biatak tein kal pi hram an thok.

Rakhine ramkulh le mipi cung ah ULA le AA nawlngeihnak in thil a kal cang bantuk a hun si tikah, Ralkap lei in lak tthannak ding lam an kawl cang, AA cawlcangh biatak tein dothlat le ngiat ding in an i tim i, khuabawi vialte zong ralrin peknak, order ti bantuk an pek cang hna tiah Myanmar Now nih cun a tarlangh. Note: Myanmar Now nih Kawlca in a tial mi asi. Myanmar Now cu Kawl media lakah zumtlak, mi raltha tiah timi le minthatnak zong a co cang tu asi.

Tour guide turned Arakan Army commander sees nationhood in victory |  Coconuts Yangon

Thawngpang Dang: Rikhiah mi leng an lonh a si ahcun kahdohnak a fak kho tiah KNU nih an thanh Ralhrang hna phu he a fonhmi BGF hna cu KNU hmunhma chungah thazaang chap in an luh caah rikhiah nak hmun leng tiang an lonh a si ahcun kahdohnak a fak kho tiah KNU nih cathanh an chuah.Kayin ramkulh, Kautkarat(ေကာ့ကရိတ္) peng Kaminekung(ကမိုင္ကုန္း)khua phungki sianginn ah umhmun khuar mi ralhrang phu hna sin ah, nihin August 24 zinglei ah BGF minung 30 hrawng nih riahcaw phor in minung thazaang an chap tiah cathanh mi ah an langhter.

Ralhrang phu lei sin ah fonh in kal an duhnak hmun ah Kayin ralkap KNLA nih kal nak nawl pek an si lai lo leng ah, rikhiah nak hmun an lonh a si ahcun kahdohnak fakdeuh in a cang kho mi dir hmun a si tiah KNU nih an langhter.Ralhrang phu lei fonh in riantuan mi phu nih August 23 ni ah, Taminekung khua an phanh hnu, khuapawng hrawng hmun cheukhat ah hriamngan in voi 50 nak tlawm lo a kah hnu ah,

Cuka khua phungki sianginn ah umhmun an khuar hi a si.Cu ka pawnghrawng ah ummi khua hna cu kaphnih kar ah kahdohnak a chuak kho mi a si caah cu ka hmun in an zaam hna tiah theih a si. KNU hmunhma chungah ralhrang phu kuttang riantuan mi Kayin ramri hngak BGF thazaang tampi a hman tiah KNU nih cathanh an chuah.TCP

Adang Thawngpang: Thantlang ah ralhrang kawlralkap an lor kho taktak, Mi inn le Lo cia ah an duh ti paoh in an um i, an tlongleng. Naite ah ralhrang kawlralkap le Thantlang CDF hna cu Hakha le Thantlang karlak ah nihnih chung an kap. I kahnak a chuah hnu in Thantlang ah ralhrang kawlralkap hna cu tampi an phan hna. Cun khuachung dawr tthenkhat zong ralhrang kawlralkap hna nih an bauh tiah theih a si.

Hi konghe pehtlaiin Thantlang ah a ummi minung pakhat nih a chimmi cu ralhrang kawlralkap hna cu khuachung luhnak lam or ah a ummi inn hna ah an riak tiah a chim.Thantlang khualuhnak hi Hakha lei pakhat cun Thlualam lei pakhat, Sopum lei in pakhat, Khuafo lei tiah Thantlang khualuhnak hi motor lampi pali a si. Hi lampi ah a ummi inn hriang deuh pawl ah ralhrang kawlralkap hna cu an riak hna tiah a chimchih.

Ralhrang kawlralkap pawl an riahnak inn ngeitu hna hi a tutiang kan theih tawk ahcun ralhrang kawlralkap hna nih harsatnak or fahnak pakhat khat an pek mi hna cu kan thei rih lo. Asinain zaan ahcun chungkhar hna cu hmundang ah an riak hna i, chun tu ahcun an inn an um kho ko tiah ralhrang kawlralkap an riahnak i, inn ngeitu pakhat nih a chim tiah a chim chih.

Khua donghnak inn pawl ah zan an riah caah khualeng chawhvah tikah ralrin ngaingai a hau tiah a peh chih. A cunglei ah langhter cang bantukin Thantlang ah ralhrang kawlralkap hna cu tampi an um cang tikah ahopaoh nih i ralring ngaingai a hau cang. Ralhrang kawlralkap zia le za cu zapi nih theih dih mi an si ko caah, zeitik hmanh ah zumh bak hna lo ding. Ralring tein um khawh i zuam cio hna usih.

Be the first to comment

Leave a Reply

Your email address will not be published.


*