A TLAUMI KONG THANHNAK AN TUAH, TULUK NIH AN LANGHTER VE LO

A Tlaumi India Minung 5 China nih a Kirter Hna. China he an ramri a chunglei deuh ah a vak i a tlau behmi India rammi minung 5 cu China nih an tlaih hna i, India lei ah a kirter than cang hna, tiah India defence ministry nih a chim. Mino 5 hi tu thla chung i a tlaumi an si. Anih ramvai an si i, i ruah lo piin China ramri chunglei ah an vung pial sual, tiin India lei nih a chim.

Asinain, China lei belte nih an tlaihmi India minung 5 chuah an sinak kong fehternak a tuah rih lo.June ah khan China le India ralkap pawl fak taktakin an buai hnu in kaphnih karlak buaibainak a linsa ngaingai.Kan mino 5 hna cu ram an vaih lio ah ruahpaklo piin kan ramri lanh in China lei ah an vung pial sual. A tu bantuk i ramvaih ruang i ramdang an hmun le an ram lei tiang vung phak sual hi a um pah lengmang mi thil a si.

Anmah lei zong an hung pial sual pah tawn ko, tiin India ralkap lei i aiawh biachimtu nih Saturday ah a chim. China lei in hi hna pawl kongah official tein chim a um rih theng lo nain, min an langhter lo mi security source pakhat sinin China’s state-run Global Times newspaper nih a chim ningah cun, hi India minung 5 hi intelligence (thohhlanzi) an si, ti a si.

Hi 5 hna hi timhciammaam tein ramri an hung tan i, China ralkap nih an tlaih hna hna i, cun ralrin pek an si piin, nun zong an chimh hna, tiah security source nih cun a langhter.Tutan zarh chungah hin ramri buaibainak vialte remthatter than dingin India cu China he lungtlinnak an tuah. Asinain, hi minung 5 hi China lei nih an firmi hna an si, tiin India lei nih thawng an thanh.

Arunachal Paradesh hi China nih i south Tibet hmunhma a si caah, India ram ah kan ruahkhah balmi hrim a si lo, tiin China’s foreign ministry ca i aiawh biachimtu Zhao Lijian nih a chim. A tuanbia zeidah a si? June tein khan kaphnih an i pehtlaihnak hi tialhmal lei a panh chinchin cang. An i cuhmi Ladakh ramri ah India ralkap 20 thah an tong. China lei zong ceilak te an thi ko nain, a cozah nih a langhter duh lo.

Khat le khat biaka in an i hro, asinain Thursday ah khan India foreign minister la China foreign minister cu Moscow, Russia ah tonnak an ngei i, an hrawmmi ramri i a tlung cuahmahmi buaibainak vialte daihter dingin lungtlinnak an tuah.Kan ramri nan pal hmasa, tiin khat le khat an i puhtonh tawn i, cu in cun i tuk le i den lawng an rian zungzal. Cu ti an buaibainak ramri hi ruul ngerh in ai ngerhmi a si i, khuasaknak zongah a thitha lem theng lo mi hmunhma khi a si.

Cu pinah, thitha zong in hau le ruang sak le congh zong a um fawn lo. Naicikua i an i khokkhaknak a ruang hi tampi a um – an kaphnih in a thlite i an i tinhmi a um veve caah le “Nanmah lei nih buainak na thok” tiin khat le khat sual an i phawttonh peng. An ram hnih karlak i ral ngan a thawh hi cu voikhat lawng a si. 1962 lio ah khan a si i, cu lio ah cun India hi zohchia in a sung bal.BBC (CSB)

Be the first to comment

Leave a Reply

Your email address will not be published.


*