A SUNGLAWITUK HRINGHRAN, THANHNAK AN TUAH CANG

Thawngpang ttha taktak si cang. Thailand cozah nih Kawlram le Thailand ramri ah a ummi Karen ralzam hna bawmhnak pek ding mi cu tuchun April ni nga ah nawlpeknak asi cang tiah an thanh. Bawmhnak petu hna cu Thailand ah a ummi Karen miphun hna cawlcanghnak thawngin a si. Tutan ah Thailand nih nawlpeknak a vun tuah hi asi.

Hi konghe pehtlaiin ralhrang kawlralkap hna nih Karen Ramkul Phaphun khua pawng a ummi hna cu nithum chung cunglei raltuknak vanlong in a thuat hna. Curuang ah khuami pawl hna cu khuachung ah um ngam ti loin ram tang ah siseh Thailand ram ah an zam hna. Thailand ah a zammi hna cu Thailand nih luhnak nawl an rak pe hna lo i, cuticun umhmun an khuar hna.

Cu hmun le hma ah a ummi hna cu eidin kongah an har sa taktak ti asi. Atu ahcun Thailand cozah nih bawmhnak kongah nawlpeknak a vun sian caah Thailand ah a ummi kawlram mi a buu hna nih bawmhchanhnak an pek khawh cang hna tiah an chim. Asinain Thailand cozah nih hi bawmhchanhnak nawl hi zeitik tiang dah a onh lai timi theih asi rih lo.

Hi bawmhchanhnak konghe pehtlaiin Thailand cozah nih a timi cu ramri hi biatak tein zohfelnak kan tuah lai i, zawtnak kong he pehtlaiin bawmhchanhnak atuahtu hna zong checknak tuah an si lai tiah a chim. Tutan ah Keren ralzam pawl bawmhchanhnak an tuahmi hna hi ei le din siseh hni le puan tibantuk pawl an si hna tiah an chim.

Thawngpang Dang. US, France Ralkap Pawl Myanmar BAY An Phan Cang. MYANMAR NAVY ZONG AN I RALRING VE. UN, CHINA LE ASEAN KONG. April 1,2021(Thursday)i UN Security Council nih Meeting an neihnak ah Midle East le Kawl ram kong hi biatak te’in an i ceih i, Members-15 lakah 12 nih Myanmar ram Ralkap cu fak tak takin hrem (Action) lak dingin an duh i,Member -3 cu Neutral in an um. US, UK, France le Turkey nih cun Raltuknak tiang (Military Action) tiang hman dingin an duh na’in China le Vietnam nih a daihnak lei’in ASEAN he rian tuanti dingin an hna a tla ve.

US Ambassador to UN, Ms.Linda Thomas Greenfield cu a thin aa sum kho ti lo i, Myanmar Ralkap Uktu pawlnih Mipi an thah an nawn peng rih ah cun, US nih a zoh sawsawh ti lai lo.A herhning in Military caaknak kan hma’n ve cang lai” tiah a chim bak ko. Ms. Linda nih hin zeiti bantukin dah kan hma’n lai timi belte a chim duh rih loh.
April 5-7,2021 chungah US le France hruaimi ” QUAD” members Australia,Japan le India pawl cu Myanmar Tipi kam Bay of Bengal ah Navy raltk cawngtinak( Exercising) an nei lai tiah France Embassy, New Delhi nih 31/3/21ah khan thawngthanhnak an tuah.

Cu thawngpang cu Myanmar Ralkaup Uktu nih an rak theih caah 4 April in 11 April,2021 tiang SIN-PHYU-SIN Operation(စစ်ဆင်ရေး) cu Irrawaddy Division i, Pathein Region, Chuangta, Ngwe Suang,Shwe Tha Yan Tipi kam Ti Meng-15(ရေမိုင်)chung poh ah Ti- Cung,Ti- Tang le Airfare an nei cang.Mipi a ho hmanh Tipi leng chuak lo dingin Ralkap nih thawng an thanh dih cang. Nizaan khan Tipi (Bay of Myanmar) ah Miakpi zuun-6 puah thawng Mesa Khuami pawl nih an theih ti’ah DVB/AFP nih an chim.

Hi QUAD Navy Exercise tuahnak ding kong hi March12,2021 ah khan US le France hruainak in an ceihkhan mi asi i, India hi tutan lawngah US Defence Minister sawmnak in a tel ve mi asi i, an i timh bikmi cu China le Myanmar kong ah asi bik ko. France le US nih hin, Kawlram hi Warning an peknak asi i, Myanmar Ralkap an cawlcang sual ah cun kahcawlh dingin an i tim ready cia ti’ah PTI(India) le Nikky(Japan) News Agency pawl nih an tial.

Cun, September, 2020 ah Russia, Iran, Pakistan, Myanmar le Vietnam hna nih Raltuk cawngtinak(Exercise) an rak nei ve cang bantukin, November,2020 zongah US, Australia,Japan, India le France QUAD nih Indo- Pacific Ocean Malabar ah Raltuk cawngtinak an rak nei bel cang. UN Security Council Acting President Mr. Dang Dinh Quy hruainak in China Foreign Minister Wang Yi nih ASEAN hruaitu Indonesia,Thailand Malaysia le Singapore Foreign Ministers pawl cu an chawnh cuahmah liopi asi i, Myanmar Ralkap Foreign Minister Wannah MaungLwin zong an chawnh ve cang tiah Asean Times nih a chim. Hi ASEAN ram hruaitu pawl nih hin NLD (CRPH) le Taingyinta Hriamtlai le Party Upa pawl zong ton biaruahnak neihpi an duh ti’ah Editorial ah an tial len hna. Tu’in aruahhlanah thawngpang thar cu kan theih cawlh zumh a um ngai ngai cang. Hngak rih hna usih. Credit: MC Bik Lian

Be the first to comment

Leave a Reply

Your email address will not be published.


*