A SINING ZOHCIO TUAH UH KHUARUAHHAR TAKTAK A SI KO

Vawlei cung minthang Kanye West nih thanhnak a rak tuah cang bantukin tukum thimnak ah US president kaa cuh lai tiah thanhnak a tuah. US President ka cuh lai tiah thanhnak atuah hnu ah minung tampi hna nih an soisel i, minung tampi hna nih an dirkamhnak bia le hla an langhter cio hna.

Kanye West dirkamhtu chungah pakhat a sive mi cu Kanye West nupi ttawkttha Kim Kardaschian a pa ei a rak si balmi atu ahcun Nu sinak ah aa thleng cangmi Caitlyn Jenner zong hi aa tel ve. Culawng siloin khuaruahhar ngaiin thanhnak atuah ve. Caitlyn Jenner nih Kanye West president cuhnak konghe pehtlaiin a tanglei bantuk in a chim.

Kanye West president aa zuamnak dingah hin Kanye West caah vice president si ka duh i, ka timhmi asi tiah a chim.Tutan ah Kanye West vice president caah timhlamhnak angeimi Caitlyn hi Kum 70 a upa cang mi zong asi. TMZ ah a chimmi cu Vice president cuh dingin timhlamhnak ka ngei tiah a langhter.

Cun vice president ka si kho lai maw? si kho lai lo timi zong Kanye West sin ah cakuat zong ka ttial cang tiah a chim chih. Hi konghe pehtlaiin Kanye West cu a ralaimi US thimnak ah President cuh dingin timhtuahnak angeih pin ah BYP timi zong a dirh. Kanye West cu Independent in zuamnak a lut lai tiah theih asi.

Vice president dingah timhlamhnak angei mi Caitlyn Jenner hi Kim Kardashian a pa ei a rak si cangmi asi i, Kim Kardashian a nu Kris le Caitlyn hi a rak i ngei cang mi an si. Asinain atu ahcun pa sinak in nu sinak aa thleng cang. Kendall le Kylie Jenner hna nih Caitlyn fa le hna si tiah an langhter chih.