A POI TUK HRING KHRIHFAMI BIAKINN AN LUH HNAWH TTHAN HNA

Khrihfami tukdohnak an tong tthan. South Africa ah Biakinn tukdohnak a chuak i, minung panga an nunnak aliam. South Africa ah a ummi Khrihfami hna cu an i pumh lio ah tukdohnak an tuah hnawh tthan hna.South Africa ram a simi Gauteng Province ah biakinn pakhat cu zinglei suimilam pathum ah tukdohnak achuah ruangah minung 5 nunnak aliam.

Hi tukdohnak ruangah lunghrinhmi minung 40 hna cu police nih an tleih cang hna tiah an langhter. Hi konghe pehtlaiin nawlngeitu pakhat nih a chimmi cu minung pali hna hi kahthah an si pin ah motor tiangin an khangh rih. Cun security pakhat zong an kahthah tiah a chim. Nawlngeitu pawl cawlcangh colh hna hlah sehlaw hinak in chiatnak achuak deuh lai.

Joint Security pawl hna cungah lawmh a umtuk hringhran, Hitluk zawtnak ruangah kan buaicuahmah lio ah hibantuk thil tuah hi cu a poituk hringhran ko tiah The National Commission of Police General Khehla John Sitole nih a chim. Tukdohnak a chuahnak hi IPHC International Pentecostal Holiness Church asi i, nizan zing suimilam pathum ah a cangmi asi tiah a chim.

Hithil atuahtu hna hi ralhrang pawl cu an si lai lo. Asinain forhfialtu cu an um ko lai tiah cozah nawlngeitu hna nih an chim. Hriamnam meithal aa putmi hna cu an rak kir tthan i Biakinn chungah a ummi hna cu tukdoh an timh tthan hna maw asi an hriamnam kaltak mi lak ah dah an rak kir tthan timi zong theih asilo tiah Police pawl nih an chim rih.

Tutan ah tukdoh atongmi Khrihfabu hi aliam kum 2016 ah khan an hruaitu lutlai a nunnak a rak liam. An hruaitu hmasa a thih hnu ah buainak tete hi a um lengmang cang ti asi. Culawng siloin naite ah khan Khrihfabu tangka 6.5 millions atlau tiah The Sowetan Newspaper nih alanghter.