A POI CHIN LENGMANG CANG, RALHRANG NIH NAWL AN CHUAH HOI

NUG caah thawngpang chia ngaingai a si.Ralhrang kawlralkap hna nih order an chuah tthan hoi cang. Nai ah NUG cozah nih Lotter kan zuar lai tiah thanhnak an tuah. Hi konghe pehtlaiin ralhrang kawlralkap hna order an chuahmi cu NUG nih Lottery a tuahmi a zuarmi le a cawmi hna cu tlaih nan si lai tiah thanhnak an tuah. Hi thil he pehtlaiihnak angeimi hna cu thongthlak nan si lai tiah thanhnak an tuah.

NUG nih lottery an tuah dingmi a min ah hin အောင်လံလွှင့်ချီနွေဦးထီ tiah min an sak. Hihi Spring Revolution min cawi in an sakmi a si. Zuar an timh cuahmah lio asi i, an zuar ding ni le caan taktak tu cu thanhnak an tuah rih lo. NUG nih Hi thil antuah nak bik a ruang asi rih mi zong ralhrang kawlralkap nawlngaihnak lakmi chuh or hrawh ding le Federal Democracy system a um khawhnak dingah din loin rian a ttuanmi CDM hna bawmhchanhnak dingah caah timhtuahmi zong a si. Asinain ralhrang hna nih NUG le CRPH adirpi mi hna cu thongthlak nan si lai tiah an chim.

Myanmar special envoy: It is time for the world to stop another genocide -  CNN Video

Thawngpang dang: Rakhine ramkulh ah ralhrang kawlralkap le palek hna cu lampi ah minung check ti lo dingin ANP nih nawlnak an tuah hna. Rakhine ramkulh ah ralhrang kawlralkap le palek hna nih meithal he lampi ah check nak an tuahmi cu ngol dingin nawlnak an tuah. Arakan National Party nih ralhrang sin ah nawlnak an tuahmi hi panga an si.

Nawlnak panga an tuahmi chungah Covid zawtnak a karhtuk lio ah ei le din harsatnak a um i, Rakhine mipi bawmhnak siseh, Covid he pehtlaiin ngandamnak tha a um khawhnak dingah sii-ai harsatnak um lo dingin an duhnak zong an langhter. Rakhine ramkulh chungah ralkap le palek nih meithal he khua cazin an check tawn.

Cun lampi ah cycle le motor zong an check hna. Hi bantuk in thil ralhrang hna nih an tuah ruangah mipi nih a him lo tuk tiah an ruah caah an thin aphang. Tulio dirhmun ah tangka lei harsatnak a um i, ei le din ah siseh, sii le ai, a zeizong tein ralhrang hna nih check hlat nak an tuah dih. Anmah ralhrang nawl onh nak loin a harhmi cu zalong tein luhchuah pi khawh dingin an duhnak zong an langhter chih.

Be the first to comment

Leave a Reply

Your email address will not be published.


*