A MAK TUK CANG, AUNG LA DIRHMKAMH TU AN UM KHO TI LO AN PHUAN CANG

Aung La Nsang a sunghnak kongah a phunphun in a fan pawl hna nih bia an chim cio hna. An lungfaktuk cio, amah santleih lo thiam lo ruangah cun Aung La Nsang hi a sunghmi a si hrimhrim lo tiah comment ah an langhter cio hna. Tthenkhat nih an timi le bang cu hngawng dih hna cu a nih caah hin zeihmanh asi lo tiah an ti.

Asinain tuzan kha cu REINIER nih a hngawng in a dih i, cawl kho tiloin a um. Tuzan Aung La Nsang a sunghnak aruang a fan pawl hna nih an vun langhter ning ahcun a rak mawh hrimhrim lo, Teinak hmu ding ahcun thilhar taktak pei arak si hi, Mah ruangah Aung La Nsang a sunghnak ruang bik an chimmi hi asi hrimhrim ko lai. Zapi te nih kan theih cang bantuk in Aung La Nsang cu tuzan ah teinak hmu lo in a um ruangmang cang.

Sihmanhsehlaw afan pawl nih a sunghnak aruang an vun chim cio tikah cun a rak mawh hrimhrim lo. Asunghnak aruang vun theih hnu ahcun alungfakmi zong kan lung a hung nem ngaingai lai tiah zumhnak a um ko. Aung La Nsang hi aliamcia ai phomh ning cang thatein a zohmi nih cun fiang tein kan theih dih hna lai. Athei lomi zong nih aliamcia ai phomhnak video pawl kha zoh cio ulaw zeibantuk minung dah asi timi nan i fiang lai.

Kan theihcio bantukin Aung La Nsang cu teinak tampi a hmu. Cuve bantukin tei lonak zong ahmumi asi. Aung La Nsang nih tthenkhat cu fawite in a teimi hna an um i, tthenkhat cu har ngai in a teimi hna zong an um. Hi konghe pehtlaiin tlawmpal vun langhter lo awk attha lomi cu Aung La Nsang a sunghnak pawl hi chim chih lo awk atthat lo caah tlawmpal vun langhter usih.

Aung La Nsang a sunghnak pawl hi kan zoh lengmang tikah fawite in a sunghnak hi hmuh awk a um lo. Zeitluk an tthuat zongah a zeihmanh apoilo ti tluk in a um khomi le hmual a ing khomi pa a si. Zeitluk fak le pin in an tthuat zongah fawite cun a tluril kho lomi asi. Cucu aho chim loin kan theih dihmi khi asi ko. Tutan ah zeiruangah dah fawite in a sungh timi hi an langhter mi a um.

Tuzan an i phomhning zoh tikah thatein Aung La Nsang sining angiathlai mi nih cun nan theih hrimhrim ko lai. Tuzan cu nidang bantuk asi lo, a muihmai zoh ah thaazaang atlung lo i, aphur lo ngaingai ti khawh asi. Cucu zeiruangah dah asi timi minung tampi an langhter cio hna. Tthenkhat nih an timi cu tuzan hi pakhat khat thil a um ko lai nidang bantuk asi lo e an ti.

Asinain minung tampi nih an timi cu naite ah khan vawlei pi nih an ttih bikmi zawtnak Covid-19 nih aphak caah asi ko tiah an chim. Covid zawtnak hi tthenkhat caah cun afaktuk lomi a si i, tthenkhat caah cun a fak ngaingai zawtnak phunkhat asi. Hi konghe pehtlaiin covid in damnak ahmumi pakhat nih a chimmi cu ka taksa atthawng ngai ko ka tinain zawtnak nih a vun ka phak tikah cun ruahning bantuk arak si lo.

Ka damnak caan hi a sau ngai ko cang nain ka thaazaang hi ahlan sining ka zawt hlan bantuk cun a um kho hrimhrim lo. Keimah bantukin Aung La Nsang hi asi ve khomi asi tiah a chim. Aung La Nsang tutan a sunghnak kongah minung tampi an khuaruah ahar cio hna. Cu chungah minung tampi nih a sunghnak an langhter mi cu a zeidang ah siloin Covid in a damka a si caah asi tiah an chim.

Covid zawtnak nih a tlunh hlan le a tlunh hnu tutan a sining a cawlcangh a dirhmun a cuai vun thlai tikah lung cu a hringpah ko. Covid ruangah tutan hi a sunghnak aruang bik asi ko lai tihi minung tampi nih comment ah an langhter mi asi. Zawtnak a ngeih hlan ahcun tutan bantukin Aung La Nsang dirhmun hi achia bello tiah an langhter chih. Hi nih alanghter mi cu tutan Aung La Nsang a sunghnak cu covid ruangah asi ko tihi asi.

Be the first to comment

Leave a Reply

Your email address will not be published.


*