A LUNGPUT AA THLENG RUA, TUNI A BIACHIM CU A TTHA BAK HIH

Min Aung Hlaing tutan a biachim cu a piangthar rua ti awk in a um. Tutan a biachim cu a hman ngaingai. Oxygen he pehtlai in ningcang loin a miak lak lo dingin Min Aung Hlaing nih thanhnak atuah. A tu lioah Kawlram chung oxygen tlamtling tein kan ngeih ko I micheu nih a ningcang loin a miak lak len ding in an tuah tiah Min Aung Hlaing nih a chim. Micheu nih cun oxygen dur pawl cu an herh lo zongah a ningcang loin an cawk I mipi sin ah oxygen a um ti lo tiin thawng pang an thanh.

Mipi an thinphang hna seh tiah mah bantuk in thihpheihnak an tuah mi pawl cu I zumh lo ding in SAC hruaitu Min Aung Hlaing nih ralrin a pek hna tiah tuni July ni 13 chuak Myanmar Alin thawngzamhnak nih a langhter. A herh lo tiang in mipi hna nih thinphan lo dingin le thawngpang hman lo hna cu thanh lo ding tiah a chim chih tiah an langhter chih.

Covid zawtnak nih tlak tik zong ah inn ah mah tein I thlop loin Covid a check tu hna sin ah kal hnu ah an mah nih siizung kai a hauh le hauh lo an I chimh ko hna lai tiah a chim chih. Hi konghe pehtlaiin thiamthiam Ralkap lei nih rian pek mi ngandamnak lei vuanci zung nih cun a herh lo ah mipi nih oxygen dur pawl cu I cawkcia I, inn ah chiah lo ding le siibawi nih ruahnak pek ning lawng in oxygen cu hman ding in thawng an thanh.

Measure of the man who stole Myanmar's democracy - Asia Times

Hakha Um Kan Chungkhat Chim Cio Hna Usih, Abiapi Taktak Mi Hakha Thawngpang: COVID-19 Caan Chung Hakha Rual-U Thlaanhmun Man an Thumh. Nihin zinglei ah Hakha Rual-U le Hakha Township Public Healthcare & IDPs Management Committee (HTPH & IDPsMC) an i tong i a tanglei bantuk in biachahnak an ngei. Biachahnak: (1) Covid-19 zawtnak pulrai a kan den chung vialte Hakha Rual U thlan ah ruakfimmi chungkhar cu thlan man ah Ks. 200,000/- lawng lak a si cang lai.

Khrihfabu member chungah a har tukmi an um sual ahcun hi Committee sinah thawng nan kan thanh lai. (092450314, 09421158480),(2) Ruak phorhnak caah Rual U nih an kan hlanhmi hi Committee motor nan hman ahcun dawtnak he alak tein bawmh nan si lai. (09400311644), (3) Rual U thlan ah PPE uniform phoihnak tha tein sakpiak a si cang caah Uniform phoihnak hmun le khanghnak hmun ah ralring tein PPE uniform i hruk/phoih le khangh ta khawh kan i zuam hna lai.

Theihternak: (1) Mithi um tik ah mah le Khrihfabu le sang le veng cio nih tuanvo lak in vui a si caah PPE Uniform tling tein tuanvo nan lak cio lai. Nan i ralrin manh lo ahcun hi Committee sinah bawmhhal khawh a si. (Ph. 09423661278, 09400303091). (2) Ruakkuang kongah siizungpi ah lakhruak herhmi nan um ahcun Ks. 80,000/- in hman khawh ding in timhtuah piak cia mi a um. Bawmh hal khawh a si. (Ph. 09442001362).(3) Update kan tuah lengmang lai caah Phone number tete aa thleng kho i kan page ah kan leng lengmang ko u tiah kan in sawm hna. Credit:The Chin Journal (HTPH & IDPsMC)

Be the first to comment

Leave a Reply

Your email address will not be published.


*