RAM PAHNIH US LE POLAND NIH HNATLAKNAK MINSEN AN THUT

US le Poland cu ralkap lei ah hmunkhat rianttuan tti dingin hnatlaknak minsen an thut cang. Hi remdaih hnatlaknak hi US secretary of state Mike Pompeo le Poland Defence Minister Mariusz Blaszczak nih an tuah mi asi. Hmunkhat ah ralkap lei rianttuan tti ding in hi hnatlak cu Poland lei nih an tuah pimi hna asi tiah an langhter.

Tutan ah rampi pahnih nih hnatlaknak an tuahmi hi a min ah Enhanced Defense Cooperation Agreement ( EDCA) tiah kawh auh asi i, hi nih hin a bikin aa timhtuahmi le an i hmaitlak mi cu ralkap cawlcanghnak a si. Culawng siloin hnatlaknak an tuahmi chungah US ralkap cu Poland ah Regional Headquaters chiah ding asi.

Cupin ah US ralkap zong tam deuh in chiahchap dingmi ai tel chih. Hi konghe pehtlaiin kum 2021 ah hin US Army5th Corps hna cu Poland ah chiah dih dingin timhtuahnak an ngei rih. Hi an i timhtuahmi hi atlamtlin a si ahcun Poland ah US ralkap cu thongkhat hrawng an karh lai cang tinak asi.

European Commander: U.S. Armored Brigade in Poland 'Significant ...

Poland ah US ralkap a um ciami hna he hin minung thongnga hrawng um khawh dingin timhlamhnak an ngei. Cun US ralkap umnak ding quaters siseh rawl siseh hriamnam an hman dingmi aharh haimi vialte hna cu Poland nih atawlrel dih hna lai tiah Polish Press Agency nih alanghter.Adih dingmi vialte hman dingmi vialte caah hin Euro in 113 million hman dingin hnatlaknak an tuah chiah tiah an langhter chih tthan.

Be the first to comment

Leave a Reply

Your email address will not be published.


*