US CAAH THAWNGCHIA IRAN LE SYRIAN NIH BIACHAHNAK AN TUAH CANG

US Caah thawngpang chia pakhat achuak cang.US nih a huat taktak mi Iran le Syria nih hmunkhat thinkhat te ah rianttuan tti dingin hnatlaknak minsen an thut cang.US zong fak ngaiin an tthuat rih. Hi konghe pehtlaiin thanhnak an tuahmi cu Iran le Syria nih ralkap lei tthawnnak ding siseh, kilvennak lei ah kuapi in rianttuan tti dingin hnatlaknak misen thut asi tiah Semi-official Fars News Agency nih alanghter.

Culawng siloin tutan hnatlaknak tuahmi ah hin Iranian Armed Forces Chief of staff a simi Mohammad Baqeri le Syrian Defense Minister Ali Abdullah Ayyoub hna Syria khuapi Damascus ah ton biaruahnak an ngeih hnu ah atu bantukin kap hnih hnatlaknak zong an tuah chih tiah langhter chih a si.

Tutan ah kap hnih remnak tuah mi chungah hin Iran nih Syria Air defense system hna cu tthawng taktak in atuah hna lai tiah Iranian Armed Forces Chief of Staff Mohammad Baqeri nih a chim.Culawng siloin remnak kan tuah mi ah hin US lei in pahkhamnak a um caan zongah biatak tein hlawknak a um lai i, hihi nih akan bawmh ngai lai.

Kan pawngkam ram a ummi vialte hna nih hin US cu an rem hrimhrim hna lo tiah a chim chih. Hi konghe pehtlaiin Iran commander nih Turkey caah cathanh a chuah colh ve. Syria he nan karlak hi tonbiaruahnak hmangin tawlrel uh tiah Iran commander nih Turkey cu a ti colh hna.

US nih hin Iran siseh Syria siseh a dang dohkhawhnak angeimi hmaisuang hna hi an hmai ah an kunter kho hna lo tiah US cu abianeng sei in Syrian Defense Minister Ali Abdullah Ayyoub nih a tthuat chih ve hna. Theihcia bangin Iran le Syria cu aliamcia kum 2011 in khan an rak i bawm cang i, ralhrang tukdohnak zong ah Syria hi Iran nih arak bawmh cang.