TULUK NIH US CU ZEITE HMANH AN REL TILO HIH, A THUAT CHIH KO CANG

Tuluk nih US cu zeite taktak hmanh ah a rel tilo timi fiangtein alang cang. US Top official Taiwan a tlawn lio ah Tuluk nih ralkap training atuah hnawh. Hi konghe pehtlaiin Tuluk nih Taiwan Strait ah ralkap cawlcanghnak atuahnak aruang cu hihi kan ram kilven zohkhanhnak asi tiah an chim. US le Tuluk i elhnialnak hi alin sa ngaingai ko cang tiah minung tampi nih an chim.

Taiwan hi kan ram asi ko tiah Tuluk nih ati lengmang. Asinain Taiwan nih an duh ve lo. Taiwan cu US nih biatak tein a vun dirkamh mi a si. Kum tampi a liam hnu ah Keith Krach hi Taiwan a tlawng hmasa bik mi asi tiah an chim. Hi konghe pehtlaiin Tuluk defence ministry chimnak nawl or thawngthanhtu Ren Guoqiang nih a tang lei bantuk in a thanh.

US le Taiwan hi harsatnak siseh buainak a tuah pengmi an si tiah sual a puh hna. Sihmanhsehlaw Taiwan ah a tlawngmi Keith Krach konghe pehtlai tu in cun zeihmanh a chimmi a um lo tiah an langhter chih. Mah tein khuakhan lairelnak dingah ramdang pawl i bochan hi cu saduhthah sawhsawh men mi khi asi ko tiah a chim chih.

Ralkap cawlcanghnak tuah mi hi Tuluk caah kilven zohkhanhnak asi tiah a chim chih. Tutan ah Taiwan ah a tlawngmi hi US under secretary of Economic affairs rianttuanmi asi i, Taiwan president Tsai Ing-wen he ton biaruahnak zong an ngei. US le Taiwan he diplomatic lei ah pehtlaihnak angei mi an si lo. Asinain aliamcia kum 1979 hnatlaknak an tuahmi Taiwan he pehtlaihnak phung hmang in hriamnam zuarkhawhnak lei tu ah pehtlaihnak ttha an ngei.

Thawngpangthar:US biaceih zung sangbik Supreme Court i, baiceitu minung 9 lak ah pakhat a simi, justice Ruth Bader Ginburge kum 87 cu atu nai te ah a nunnak liam. Liberal + Democrats pawl caah cun ngaihchia ngaingai a si. Liberal pawl a ttanh taktak mi le Conservative le khrihfa zumtu hna pomning a hua ngaingai tu a si.

President Trump nih amah zaka ah khrihfa zumtu hna a dirkamhtu conservative biaceihtu a thim than lai. Khrihfa tampi nih Donald Trump an ttanhnak cu Supreme Court ah Trump nih khrihfa zumtu tha biaceihtu a chiah lai i, khrihfa hna an zumhnak dirkamh le runven hi a si. Ruth Bader Ginsburg hi liberal ruahnak a ruh taktak mi a si. Credit: Salai Lairamthang

Be the first to comment

Leave a Reply

Your email address will not be published.


*