TULUK (CHINA) NIH MAH THIL A TUAHMI HI VAWLEI CUNG NIH THEI DIH HNA SEH.

Tuluk nih Min Aung Hlaing ralkap pawl zei tluk in dah a dirpi hna timi hi vawlei pi nih a rauh hlaan
ah theih colh te ko lai, Kachin ramkulh Dawh Phung Yan peng, Tuluk ramri pawng Alaw Bum timi tlang
chungah hmunhma khuartu KIA hna an sakhan cu Min Aung Hlaing ralkap pawl nih laak an duh tuk ruangah Tuluk ram lei kap bak in an kah thluahmah hna.

Myanmar embraces Russian arms to offset China's influence - Nikkei Asia
A luan ciami April ni 11, kum 2021 in khan KIA ttat-ma-ha 5 tang ah ummi Alaw Bum sakhan cu Min Aung Hlaing ralkap pawl nih ral tuknak vanlawng bak in an rak kah chih hna lei ah tanglei zong in ralkap thazaang tam tak tak in an kah chih hna, a si nain KIA pawl cu an tei khawh hna lo hlei ah an mah sakhan tu an sung chap i tam lak te an rak thah beh hna.

Zei ti hmanh in an tei khawh hna lo ruangah nizan April ni 12 khan raltuknak vanlawng pa 2 cu Tuluk ramchung lei ah an thlah hna hnu ah Alaw Bum sakhan cu Tuluk ram lei kap in an rak kah chih, mah ti an kah lionak cu video an zeih i Wechat cung a hung phanh tik ah a linsa ngai ngai.

Hi kong he pehtlai in KIO Center lei in thawngthanh tu simi ralbawi Naw Bu sin bia an hal tik ah “ral tuknak vanlawng pa 2 hmang in Tuluk ram lei kap in an rak kah timi cu a dikmi si ko, cun Tuluk ram chungah an bomb a tla timi zong kha a dikmi si ko” tiah a leh hna

Min Aung Hlaing ralkap pawl nih bom an thlakmi cu Tuluk ram chung lei ah pa 5 bak a tla nain uico pa Tuluk nih zei ti hmanh in a ti hna lo hlei ah an ram chung tiang Min Aung Hlaing ralkap pawl ral tuknak vanlawng luhnak nawl a pek rih hna.

CRD- KACHIN NEWS GROUP

Be the first to comment

Leave a Reply

Your email address will not be published.


*