TLANGCUNG MI CAAH THAWNGCHIA. RUSSIA NIH MAH VANLONG AKUAT CANG

Russia raltuknak vanlong Sukhoi Company nih an serchuahmi Su-30SME, Jet Fighter le tintan tuahnak ah hmanmi Jet Fighter hna cu nizan ti awk ah khan ralhrang kawlralkap hna sin a kuat cang tiah ralkap le nawlngeitu hna nih an chim tiin ASIA NEWS nih a langhter. Aliamcia thla ah khan ralhrang kawlralkap hna le Russia hna cu thil i cawk zuarhnak kongah hnatlaknak an rak tuah.

Kawlram hi North East Asia ahcun RUssia he Air Force Exhibition lei zongah pehtlaihnak a ngeimi an si tiah Russia president nih a chim ve. Tuluk vun chang ah Russia hi kawlram ah hriamnam a kua tambik ram an si i, Kawlram Air Force hna nih an hmanmi Russia serchuahmi Mig-29 jet fighter le training tuahnak ah an hmanmi jet-130 jet fighter hna zong caansaupi an hman cangmi asi.

Tutan ah ralhrang kawlralkap hna caah Russia nih an kuatmi Sukhoi Su-30SME raltuknak vanlong Jet Fighter hi zeitik caan paoh ah cunglei in tanglei ah bomb a thla khomi a si tiah an chim. Ralhrang kawlralkap sin ah hriamnam hohmanh nih zuarh hna lo dingin tiah an rak ti nain Russia le Tuluk nih cun ralhrang kawlralkap sin ah an kuat ko ti asi.

May be an image of 5 people, people standing and outdoors

Thawngpang:Nizan Mizoram palek le Assam palek i kahnak ah a nunnak mi Assam palek hna cu tuni ah an ruak an vui hna. Ruak vuinak ah Assam Chief Minister nih a chimmi cu a nunnak aliammi hna hi ting 50 cio pek an si lai. Cun hliam a tuarmi hna zong minung pakhat ah tingkhat cio pek an si lai tiah a chim. Assam CM nih buainak konghe pehtlaiin thil sining atanglei bantukin a langhter. Assam ram a chanhtu le kan ram a venghimtu minung panga ruak kan vui hna i, Thihnak kan cung a phak zongah kan ram hi kan sung lai lo.

Mizoram CM Pu Zoramthang he buainak phisin dingin voikhat nak tam kan i chawn cang. Remdaihnak a um khawhnak dingah i chawnhbiak kan timh. Aizawl tlawng dingin a ka sawmnak zong ka cohlan i, ka kal lai. Asining taktak ahcun tuni hi kal kaa timhmi asi nain Mizoram lei nih meithal in an kahthahmi hna ruangah thil aa thleng dih. Zoramthang cu ka chawnh i rianrang in ngolh dingin ka fial, A ka lehmi cu a poi taktak apoi taktak tiin kan i chawnhnak zong adih colh tiah a chim. I kahnak a chuah hlan ah hin Home Minister nih voi zeimawzat chawnh aka timh i, a hnu ah thilsining kan i chim ruah.

Home minister nih he post hi CRPF an um lai tiah biachahnak atuah i, kanmah nih cun kan zulh. Hi lio caan ah mah Post ah hin Mizoram ralkap pawl an um peng i, cozah nih biachahnak atuahmi an zul duh lo tiah a chim rih. Assam cu aa sum i, hnu a soh lo. Assam le Mizoram ramri district pathum ah ralkap tam deuh chiah asi ko nain CM nih kap hna uh timi order a chuah lo tiah a chim. Keimah pumpak duhning ahcun Mizoram ei le din siseh thil le ri an laknak phihkham hi attha ka ti lo. Kanmah lei chimlo lamdang an ngei lo. Asining taktak ahcun Assam Police sin zongah Assam chungah a ummi Mizo pawl hna cu kilveng hna uh ka ti hna. Kan i timh bik mi cu remdaihnak tuah hi a si ko tiah a chim. Nizan an i kah ah hin anmah Assam lei nih meithal an puah hmasa tiah an chim. Nizan i kahnak ah Mizo lei a nunnak aliammi an um lo tiah theih asi.

Be the first to comment

Leave a Reply

Your email address will not be published.


*