THAWNGTTHA BAK SI CANG, KAWLRALKAP BAWI AN BUAITUK CANG

Thawngpang ttha taktak si ko cang hih. Kawlralkap ralhrang lutlai pawl anmah le anmah karlak ah an lung aa khat ti lo. Abiapi taktak mi ralkap bawi pawl hna cu an tleih cang hna. Kawlralkap ralhrang hna nih hramhram in uknak an lak hnu ah tthenkhat ralkap bawi hna cu mipi sin ah CDM an tuah i an rian a chuahtak mi tampi an um cang hna. Tutan ah ralhrang ralkap bawi zong an buai cang.

Min Aung Hlaing khuakhan lairelnak a duhlomi ralkap bawi hna cu an tleih thluahmah cang hna. Tthenkhat cu ralhrang bawi Min Aung Hlaing kut in chuah an duh ko hna nain an nupi fale chungkhar zawn an ruah ruangah zeihmanh an chim ngam lo ti asi. Hi konghe pehtlaiin Min Aung Hlaing kuttang um a duh ti lomi ralbawi hna cu nizan ah khan an tleih cang hna.

May be an image of 1 person

Lashio headquaters ah Eastern Command, General Ya Pyit ( C in C Eastern Command) cu nizan april ni 20 ah khan an tleih i, Army Headquaters ah an chiah pin ah midang ralbawi general minung hleikhat zong an tleih chih hna. An tleihmi ralbawi pawl hna hi fiangtein an min langhter a si lo nain Gen. Ya Pyit le Lt.Gen. Nyi Nyi Swe, Maj General Maung Maung Zan.

Cun Maj General Than Oo hna an i tel tiah theih asi. Hi konghe pehtlaiin ralhrang kawlralkap hna nih a cunglei an tleihmi hna he pehtlaihnak angeimi hna zong an tleihmi an um ngai cang ti asi. Tutan ah an tleihmi chungah ralbawi Ya Pyit cu meithal in an kah hliamh tiah an chim chih. Atu bantukin ralhrang khuakhan lairelnak anmah ralkapbawi pawl lila zong an i zum ti hna lo i, an lung aa rual tilo ti a si. Credit: TCC

May be an image of 1 person and standing

Thawngpang dang: Tamu khuami pakhat ralhrang kawlralkap hna nih an kah hliamhmi cu India ram Manipur, Imphal sizung in a chuah hnu ah rianrang in sizung ah an luhpi tthan tiah tiah thanhnak an tuah. Kawlralkap ralhrang hna nih Tamu khuami minung pathum an kah hliammi chungah minung pakhat cu sizung in a chuah hnu ah rianrang in sizung ah kalpi tthan a si.

Hi konghe pehtlaiin Eastern Mirror thawngzamhnak nih thanhnak atuahmi cu kum 29 a simi Nyae Koon cu RIMS Hospital Imphal in chuahter a si cang. Asinain a chuah hnu caan a rauh hlan ah a hma a fah tuk tthan caah sizung ah kalpi tthan asi. Hi kongah Kuki Khanglai Lompi (KKL) hruaitu hna nih thawngpang an theih le cangka in sizung an chiahmi asi tiah an langhter chih.

Tutan ah sizung an luhpi tthan mi kum 29 minung Nyae Koon hi Tamu ah a ummi a si i, a liamcia March ni 25 zan suimilam hleikhat hrawnghrang ah ralhrang kawlralkap hna he i kahnak ah hliam a tuarmi a si. Hi an rak i kah lio ah hin midang pahnih zong hliam hma an tuar. An pathum ning in sizung ah chiah le zohkhanh an si hna i, amah hi sizung a chuah hnu ah a hma afak tthan i, sizung ah an kalpi tthannak hi asi tiah an langhter.

Be the first to comment

Leave a Reply

Your email address will not be published.


*