THAWNGPANG FIANG KIA NIH AN THANH CANG, RALKAP TAMTUK AN THAH HNA

Thawngpang fiang thanhnak an tuah cang, KIA nih nizan kawlralkap ralhrang motor an kahmi ah minung 60 an si i, minung tlawmpal hliam an tuar hna i adang vialte cu an nunnak aliam dih tiah an langhter cang. Nizan zingka suimilam pariat ah Kachin khuapi Myitkyina panh in a kalmi kawlralkap ralhrang hna motor cu KIA zungpi ah thawngpang a phan.

KIA nih thawngpang an theih bantukin an bawh hna i, an kah hna. Hi konghe pehtlaiin General Naw Bu nih a chimmi cu ralhrang kawlralkap hna hi minung sawmruk an si. Mah ralhrang kawlralkap sawmruk chungah hin hliam atuarmi tlawmpalte an um i, a dang vialte hna cu an thi dih tiah a chim chih. Culawng siloin hliam a tuarmi hna zong hi an hliam a fak ngai i, an dirhmun attha lo ngai tiah a langhter chih.

Hliam a tuarmi tthenkhat hna cu biahalnak an tuah hna tikah Kachin khuapi Myitkyina lei ah kal dingmi kan si tiah an chim. Hi ralhrang kawlralkap pawl cu KACHIN khuapi myitkyina an phak hlan Tayan Zay hlei an tlik lio ah KIA nih an kah hna hi a si. KIA le kawlralkap ralhrang cu nifatin in an i kap cuahmah, An i kahnak konghe pehtlaiin mipi sin ah KIA nih an chimmi cu nan thinphang tuk hlah uh Pathian nih aa kan um pi ko, thlacamnak in kan bawmcio uh tiah biacah an tuah.

May be an image of fire and outdoors

Relchih:Diehard revolutionary. The real inspiration behind the screen.1988 in kum 20 renglo hnu 2013 ah Rangoon ka phan tthan. Kalung chung in ka sia aherh mi cu Min Ko Naing va chonh kha asi. Zeidang silo in thong ah sautuk a tla mi asi pin ah ramkip ah thong in a mah le political prinoner pawl chuahnak kong cu kai chimrel sek ve lengmang mi asi tik ah a dam hnga maw ti ka sia a herh. Ka hawi ttha Pa Hre ( Salai Mang Hre Lian) kha nang rak ka bawm tuah ca tiah bawmh ka hal. Pa Hre hi a connection a ttha.

Pa Hre nih cun nungak nute pakhat a vun chuahpi I mah nute nih cun Min Ko Naing he tonnak cu a tawlrel lai a ti.Kan va leng I Min Ko Naing lawng silo in Ko Ko Kyi zong a rak um. Kha lio kha Thein Sein Cozah kai ka. Gen. Aung Min te pawl an lar saling cu si kaw an nih Min Ko Naing te kha daite in an um ko rua.Ciammam te in ka va leng hna I nan dam maw? thong chung sautuk nan um tik ah nan ngan dam nak zeidah a lawh? ti I thawng va hal I ka len hna tik ah an mah zong an ilawm ve i bia phunphun kan iruah hna.

1988 ram buainak in kei ramleng ah ka chuak, hriam ka tlai I cu hnu ah Human Rights lei in documentation le international advocacy ka tuah I a tu lawng ram chung ka rak lut kho than ti pawl kha keimah le kei mah theihter nak kai tuah.Cu ah cun Min Ko Naing nih cun RASU ah maw na rak kai a ka ti I aw asi na in RASU in siangin ka dih manh lo e ka hei ti.Zei major dah na lak ti a ka hal I Zoology major ka rak lak e ka ti. Ziah kei zong Zoo major pei ka si ve cu zei year dah na si, khoika class dah ti pawl kanhei i chim.Ziah zeitin dah si, kan siangin zong ai khat, kan major zong ai khat, kan base (catang) zong ai khat, tiah kan biaruah a thaw ngai.

Kan vai itong ti lemlo.2015 ah Chinram ah puicimh nak kan tong I Pu Victor he Hakha lei kal kan Ithawh. Kalay in Falam lei kan kai ah Varung pawng ah lam a cim I lam kha tlangpar lei in kan hrial I mah cu ah cun Min Ko Naing, Ko Ko Kyi le Zin Mar Aung te phu cu Hakha lei kal ding in motor pa hnih thum in an rak ra ve I kan itong hna. Hakha tiang cu motor in kan izul I kan kal hna. A karlak ah kan I chawn, kan ipehtlai lem ti lo.Nai Min Aung Hlaing ralhrang nih uknak hramhram in lak an timh ah ram pumpi in mah le ti khawh tawk in vun cawlcangh asi.

Hi bantuk cawlcangh lio ah Online zoom meeting in kan I hmu, bia kan iruah kho tthan. Rangoon Sianghleirun RASU ah siangin pakhat, major khat, catang khat kan rak sina in kan rak I kawm ballo I, kan rak itong, kan rak tlongleng tti ballo. A nih thong kum 20 a tla I, kei hriamtlai le advocacy ah kumkul ram leng ah ka um. Thil pipa can tete ah hmaisuang in a dir ka hmuh tthan lengmang.Thil pipa a biapi mi can ah a herh ah cun a herh ning in a si khawh chung zei rumra le ual al tuah lo in a dir pengmi, a chan tthatbik can thongchung ah ahmang na in a thinlung lungvar bantuk in a fim mi Min Ko Naing hi ka upat ngaingai. National Unity Government kha amah nih introduce a vun tuah tik ah kai lungsi ngaingai. Credit: Salai Bawi Lian Mang

Be the first to comment

Leave a Reply

Your email address will not be published.


*