RAMPI PAHNIH RALKAP AN THOK CANG TTHEN HNIH IN AN TUAH HNA

US le South Korea cu ralkap lei cawlcanghning exercise tuah hram an thok cang. US le South Korea ralkap hna cu hmunkhat ah exercise tuah hram an thok cang i, hi exercise hi August ni 28 tiang tuah dingin biachahnak an ngei. Tutan cawlcanghnak ah hin thilsining an tthen mi tete a um cu hna cu a tanglei bangin an si.

Avoikhatnak bik an tuah dingmi cu defense lei target in an tuah lai i, a voikhatnak defense lei cu tuzarh nirukni tiangin an tuah lai. Cun a voihnihnak exercise an tuah dingmi ahcun Counter-Attack lei hoih in an tuah tthan lai. Mah zong hi a rak laimi zarh nirukni August ni 28 tiang khi tuah ding a si tthan lai.

Tutan ah rampi pahnih hna nih ralkap training exercise hi Combined Command Post Training ah tuah cuahmah lio asi. Timhtuahning ah cun rampi pahnih ralkap training hi aliamcia zarhpini in khan thok dingmi asi nain South Korea ralkap lei bawi pakhat tulio zawtnak angeih caah an thawn caah asi.

Zawtnak lak ah um hmanh hnasehlaw rampi pahnih hna cu ralkap lei ah hmunkhat thinkhat in rianttuantinak ttha an ngeih khawhnak ding le rampi pahnih karlak ah hawikom ttha a um khawh pengnak dingah atubantuk in ralkap lei cawlcanghnak hi an tuahmi asi. Zawtnak ruangah Springtime Annual Drill tuah dingmi zong an rak let bal cang.

Tulio zawtnak konghe pehtlaiin South Korea ah hin aliamcia Ninga chungah khan zawtnak thar Coronavirus a ngeimi hi minung 991 an um ti asi. Hi chungah a tam deuh hna cu Biakinn ah aa pummi deuh lawngte an si hna. Zawtnak akarh deuh chin lengmang caah South Korea ralkap nawlngeitu hna nih an ralkap hna cu Nizan in khan ahohmanh dinhcaan lak in inn ah lawi lo dingin an kham cang.

Be the first to comment

Leave a Reply

Your email address will not be published.


*