RAMKIP RALBAWI LAWNGTE MEETING AH MIN AUNG HLAING ARAK I TEL VE

Min Aung Hlaing zong nizan meeting an tuahmi ASEAN ralbawi hna tonnak ah arak i telve tiah theih asi. Nizan March ni 18 ah khan ASEAN rawlkap bawi lutlai hna cu ton biaruahnak online in meeting an tuah hna. Nizan ASEAN ralkap bawi pawl meeting an tuahnak ah kawlralkap ralhrang hna cu biatak tein hriamnam thaazaang hmang lo dingin an chimh.

Chief of Defence... - Ministry of Defence, Singapore (MINDEF) | Facebook

Lamzawhnak atuahtu mipi cungah hramhram in hriamnam thaazaang hmang lo dingin an chimh hna pin ah kawlram buainak hi deihter cang uh tiah forhfialnak an tuah hna. Hi konghe pehtlaiin Singapore ralkap bawi asimi Melvyn Ong nih a timi cu Lamzawhnak atuahmi mipi hna hi thaazaang, hriamnam hmangin tthawl dawi hna hlah uh tiah ati pin ah rianrang in buainak hi donghter uh tiah a chim.

ASEAN Military Operations Meeting held online - Defence Review Asia

Culawng siloin Indonesia ralkap bawi zong nih lamzawhnak atuahmi mipi hna hi dawnkhan hna hlah uh tiah sawmnak a tuah pin ah nan tleihmi hna zong thlah hna ulaw, ramchung buainak zong rianrang in donghter cang uh tiah nawlnak biaro a vuih ve hna. Nizan Meeting ah Min Aung Hlaing zong aa telve nain zeibiadah a chim timi tucu an langhter lo.

Sihmanhsehlaw tulio kawlram buainak ruangah kanmah palhnak a um lo, tibantuk in anmah ralkap thiam an i cohnak kong lawngte a chim ko lai tiah zumh asi. Kawlram buainak hi ramdang nih biatak tein vun rengh awk a ttha taktak rua lo. An ti khawhmi cu ralrinnak pek, nawlnak tuah, phihkharnak tuah tibantuk lawng asi ko. Cu phihkharnak le etc.. tuahmi ah hin Asia ram zong an i tel rih lo ti asi.VPAA

Relchih:Kawlralkap ralhrang cungah UNICEF zong a um kho tilo, Ralhrang kawlralkap konghe pehtlaiin cathanh an chuah cang. UNICEF nih ralhrang kawlralkap le palek hna cu ca cawnnak Sianginn ah um hmun khuar hlah uh, Sianginn in chuak cang uh tiah nawlnak atuah hna. Hi konghe pehtlaiin UNICEF le UNESCO siseh Save The Children hna nih nawlnak ca an chuah hi asi.

Kawlralkap ralhrang hna nih hramhram in uknak an lak hnu ah Sianginn ah siseh Sizung ah siseh umhmun an khuar hna i, Sizung aummi le bang cu riantuantu vialte an chuah dih hna. Tuchun March Ni 19 tiangah ramtthen siseh, ramkulh 13 ah Sianginn, College 60 renglo ah ralhrang kawlralkap le palek hna cu um hmun an khuar hna tiah langhter a si.

Save the Children le UNESCO and UNICEF nih a timi cu kawlram chungah ca cawngmi mino le hngakchia hna hi ting hleihnih hrawnghrang an um. Hi vialte hi an covo cu kawlralkap ralhrang le palek hna nih an namhneh hna. Cu ruangah ralhrang kawlralkap le palek hna cu rianrang in chuak ko uh tiah nawlnak cathanh an chuhah.

Be the first to comment

Leave a Reply

Your email address will not be published.


*