RALPI PATHUMNAK A CHUAK KHO MI A SI CANG, AN CHIMMI

Tulio vawlei cung ramtthawng pawl an i timhtuahning zoh tikah ralpi pathumnak hi a chuak khomi asi tiah an chim. Kum 1914 ah ralpi pakhatnak a rak chuak i, kum 1939 ah ralpi pahnihnak arak chuak tthan. Ralpi pathumnak hi achuak tthan khomi a si tiah minung tampi hna nih an zumh cang. Aruang cu vawleipi an i timhtuahning an zoh tikah an chimmi a si.

Hi konghe pehtlaiin Tuluk ram Wuhan khuapi in coronavirus zawtnak a chuah hnu ah vawlei cung ram hna pakhat le pakhat karlak ah i zumh lonak le i entainak a chuak ngaingai. Zawtnak cu vawlei cung ramkip ti awk hngacha in a karh dih i, a zual deuh le zual lo deuh lawng an si hna. Tutan ah Ralpi pathumnak a chuak kho tiah an zumhnak cu covid a chuah hnu in a si.

Hi zawtnak ruangah mawh a phurtu taktak cu Tuluk asi tiah US nih sual apuh pin ah ram hnih karlak pehtlaihnak thil a chah lawng siloin ral bantuk in an um cang. Coronavirus ruangah Tuluk nih aminchiatnak vialte hna cu thuhnawh or hloh a timh i, vawleipi theih in ram innpa a simi India ram zonghe buainak an chuak.

India le Tuluk cu ram i cuh ruangah tukdohnak dirhmun tiang an phan deng.Tuluk nih a hriamnam tthattha zeimawzat hna cu ramri ah a kuat thluahmah hna. Culawng siloin India zong nih a hriamnam thatha zeimawzat zong ramri lei ah a kalter pin ah ralkap tiangin a chap i, ramri a ummi ralkap hna cu tukdohnak kongah nanmah nawl a si tiah nawl an pek hna.

Culawng siloin vawlei cung ramtthawng US siseh Russia siseh Tuluk hna cu an hriamnam ttha hna cu an vun pho langh lengmang rih. North Korea le Israel le India cun Australia Japan Iran, etc.. hna zong nih an hriamnam an langhter taktak hna. Hi hriamnam an langhtermi hi tutan zawtnak a chuah hnu in a zualhma deuh ti a si. Vawlei pi nih an hriamnam an phochuah mi zoh tikah ralpi achuak ko lai lo maw timi an ruah.

Hi konghe pehtlaiin dottletnak atuahmi thiamsang pakhat nih a chimmi cu tukdohnak hmun hi cunglei ah maw asi lai Rilipi ah dah asi lai. Asiloah a ram le ram khuachung ah dah asi lai timi theih asi lo tiah a chim. Ralpi pathumnak chuah kongah minung tampi an ruahnak aa dang cio tthenkhat nih a chuak lai lo. An ti tthenkhat nih a chuak khomi asi tiah an chim ve. Ref: 9TV