PELOSI CU I CEI TAKTAK SEH, HMAICHIA IN A TUAH CANG

Florida Governor, Ron DeSantis nih zahan zan ah Capitol Hill a cawngtu, Florida National Guard vialte cu Florida ah kir ding in nawl a pek cang hna i, a laak than cang hna. Florida Republican Governor Ron DeSantis nih Twitter ah a tialmi cu,Kan ralkap cu rampi a vengtu an si, Nancy Pelosi sal an si lo” tiah a ti.

Joe Biden him tein President biakamnak a tuah khawhnak dingah National Guard minung 5000 cu Capitol Hill inn chung in Capitol Security Police rian ngeitu hna nih an thawl hna i vawlei tang motor chiahnak heat a um lonak ah an riahter hna. zun in pahnih khat lawng an hrawnter hna caah khuaci an mui.

Mah ruangah rian ngeitu Democrats an Pi Chur Nancy Pelosi cu faak ngai in soiselnak a tong.President hlun Donald Trump nih a hotel ah free in rak riah dingah a sawm hna. Social Media le News tampi ah Biden cozah tiang soisel an ton caah Joe Biden nih ngaihthiam a hal than hna. Mah hnu ah Capitol Hill innpi chungah an thial than hna. Credit: Salai Lairamthang

Vawleipi le American nih Kum 200 Chung Ah A Har Ngaimi Caan Voihnih An Ton. Vawleipi le America nih kum 200 chungah a har ngaimi caan (hard times) voihnih a ton. 1930 ah “ The Great Depression” (the worst economic recession in the 20th century) le tulio “Covid-19 Pandemic” (the worst economic downturn in the 21st century) hi a hun si. Hi caan har ngaimi pahnih hruai dingah American mipi nih hodah an President caah an zumh i an thim, timi hi a biapi ngai.

America nih The Great Depression le Word War II lio caanah an rak ithimmi President cu: Franklin D. Roosevelt (FDR) a rak si, Democrat asi. Chuaklak a rak hruai khawh taktak hna i term 4 tiang U.S.A President an rak pehter – a thih tiang (20th amendment hlan). Hipa hi American President lakah uar a um bikmi pakhat asi ve ko lai. The New Deal (Social Security and Welfare Reform tbk), Good Neighbor Policy le The Four Freedoms timi “concept” a kan rohtami te hna hi uar an um ko.

Tuni New World Order le Liberal International Order a hram a kan thlakpiaktu hi amah nehnang deuh asi ko rua lai. A nupi Eleanor Roosevelt nih “The Universal Declaration of Human Rights” (UDHR) a kan rohta fawn, “soft law” asi nain tuni vawlei kakip i nuhrin covo le human rights instruments vialte a hrampi bunhnak a hun si. Vawlei tuanbia nih a philh ti hna lo. Tutan the 21st century chung global pandemic le economic crisis lio caanah America ram a hun hruaitu cu Evanka pa (Trump) a hun si.

Kumkhat chung a buaipi i a tawlrel hnik. Nain, mi fanau, American mipi nih a tawlrelning le a hruaining an lung a tling deuh rua lo. China virus ati. Tlangrai flu hna he a tahchunh. Death toll le economic impact hna “downgrade” atuah. WHO in a chuak. Hnucun Covid-19 zawtnak in milu a thibik cem ramah an ichuah ko. Tutan thimnak mee a thlakning zoh tikah hi tluk an thih le an zawtah Republicans leiin Covid-19 pulrai kong pakhatnak a chiami hi zatuak 15% an si, Democrats lei hi zatuak 81% an si.

Democrats le Biden nih Covid-19 pulrai zawtnak hi biapi deuhin an chiah hrimhrim ti khi alang ngai. “I urge every American to wear a mask” tiah atu le atu VP Kamala Harris he an aumi hna hi sawhsawhte alo nain sullam a ngei in alang–Evanka pa he fakpiin an i dannak langhtertu “concept” pakhat khi asi. Hi ruang bikah American mipi nih Evanka pa nakcun Biden nih tulio pulrai zawtnak harnak chungin a kan tawlrel chanhchuah khawh deuh lai, tiah an zumh caah an thimmi hi asi bik ko, tiah thadam tein chim khawhmi asi.

Laimi tampi nih biapi in kan rak zohmi phun hi cu America mipi tam-u nih an rak zohmi asi lem ti rua lo. Ram hruainak ah khua kan cuanhning tete hi zohtthan awk a um pah. President Biden nih liamcia 20th century lio i President FRD nih a rak buaipi tawlrelmi “The Great Depression” bantuk kha tutan 21st century ah a hun tawlrel buaipi ve lai. Kan vawleipi ca zongah a biapi ngai. Hi bantuk vawleipi nih health crisis le economic crisis nganpi a ton tikah America mipi nih Democrat President an thim theomi nih hin ruahawk khi a umter ko. Biden nih athiam bikbik timi Economic Team le Health Team a thim hna i aa timhtuahning cu bei asei ngai. President FDR bang chuaklak a tawlrel kho te lai maw timi tu cu caan nih a chim te ko lai. Salai Van Lian Thang

Be the first to comment

Leave a Reply

Your email address will not be published.


*