NIZAN RALHRANG PAWL MEETING AH AN CEIH MI ATURU BAK KO HIH

Dalaan pawl laksawng pek ding ah ralhrang chungtel hna nih an nawl Nawlngeihnak la tu ralhrang phu duh lo in cawlcanghnak a tuah mi hna tlaih khawh nak ding ah thawngpe tu dalan hna cu laksawng pek ding in ralhrang phu chungtel hna nih ralhrang bawi Min Aung Hlaing sin ah an langhter. Nawlngeihnak la tu ralhrang phu chungtel si mi U Thein Ngunt, Man Ngein Mawng, U Khin Mawng Shwe, Jeng Phang, Daw Aye Nuh Sein, U Sai Lung Sai, Dr.Bangia Awng Moe le U Shwe Cing hna nih hmunkhat te ah an hal hi a si.

August 23 ni Naypyidaw ah tuah mi SAC phu tin biaruahnak ah atu bantukin an hal hi a si, August 24 ni chuahmi ralhrang phu hna thawngzamhnak ah an langhter. Cun CRPH, NUG kut tang a um mi phu hna cu phaisa le thilri bawmhchanhnak tuah mi hna zong hramhram thiltuah upadi he a tlak ning in hmalak piak ding ah ralhrang phu hna nih an nawl. Cu hna nih cun dollar man le sui man cu a deih ter lo in tuah mi hna cu kawl in hmalak ding.

PDF training pek nak kong le, hriam thilri bawmchan mi tlangcung hriamtlai phu hna cu fak pi in kham piak ding ah ralhrang phu chairman sin ah nawlnak an tuah tiah theih a si. Cu an langhter mi nawlnak ca kong he pehtlai in ralhrang hruaitu Min Aung Hlaing nih CRPH le NUG kuttang phu hna cu hmalak ding in timhtuah a si,tlangcung hriamtlai phu hna kong he pehtlai in deihnak tuah mi a hnor suan lo nak ding ah ralring in tuah a hau tiah a chim nak kong cu ralhrang phu lei thawngzamhnak nih an langhter.TCP

Tatmadaw Holds Second Coord Meeting On COVID-19 - Global New Light Of  Myanmar

Thawngpang dang:Thantlang ah ralhrang kawlralkap an lor kho taktak, Mi inn le Lo cia ah an duh ti paoh in an um i, an tlongleng. Naite ah ralhrang kawlralkap le Thantlang CDF hna cu Hakha le Thantlang karlak ah nihnih chung an kap. I kahnak a chuah hnu in Thantlang ah ralhrang kawlralkap hna cu tampi an phan hna. Cun khuachung dawr tthenkhat zong ralhrang kawlralkap hna nih an bauh tiah theih a si.Hi konghe pehtlaiin Thantlang ah a ummi minung pakhat nih a chimmi cu ralhrang kawlralkap hna cu khuachung luhnak lam or ah a ummi inn hna ah an riak tiah a chim.

Thantlang khualuhnak hi Hakha lei pakhat cun Thlualam lei pakhat, Sopum lei in pakhat, Khuafo lei tiah Thantlang khualuhnak hi motor lampi pali a si. Hi lampi ah a ummi inn hriang deuh pawl ah ralhrang kawlralkap hna cu an riak hna tiah a chimchih. Ralhrang kawlralkap pawl an riahnak inn ngeitu hna hi a tutiang kan theih tawk ahcun ralhrang kawlralkap hna nih harsatnak or fahnak pakhat khat an pek mi hna cu kan thei rih lo.

Asinain zaan ahcun chungkhar hna cu hmundang ah an riak hna i, chun tu ahcun an inn an um kho ko tiah ralhrang kawlralkap an riahnak i, inn ngeitu pakhat nih a chim tiah a chim chih. Khua donghnak inn pawl ah zan an riah caah khualeng chawhvah tikah ralrin ngaingai a hau tiah a peh chih. A cunglei ah langhter cang bantukin Thantlang ah ralhrang kawlralkap hna cu tampi an um cang tikah ahopaoh nih i ralring ngaingai a hau cang. Ralhrang kawlralkap zia le za cu zapi nih theih dih mi an si ko caah, zeitik hmanh ah zumh bak hna lo ding. Ralring tein um khawh i zuam cio hna usih.

Be the first to comment

Leave a Reply

Your email address will not be published.


*