Mizo CM Zoramthanga Nih Kawlram Palek A Zaam Mi Pawl Kong A Chim Ve Cang.

Myanmar ram ah ralkap nih uknak a lak ruang ah India ram lei ah a rak zaami pawl khirh tthan an si lai lo,tiah India Home Affairs Minister Amit Shah nih Mizoram CM Zoramthanga he phone in bia an i ruah lio ah a chim, tiah Mizoram thawngzamhnak Zonet nih a langhter.

Myanmar ram lei (Abikin, Chinram in) Mizoram ah a lutmi Myanmar rammi hna kong he pehtlai in March 10 ah CM Zoramthanga le Minister Amit Shah hi phone i biaruahnak an ngei i, Amit Shah i a cunglei bang in a
chim hi a si.

Aluancia ni khat hnih chung ah khan Myanmar ram lei in a rak lutmi pawl kham ding phun in India cozahnih a timhtuah tiah bia a rak leng.Asinain, Mizoram CM Zoramthanga nih cun, “Kan minung hawi harnak a tong komi cu an rak rat a si ahcun caan karlak umnak le tirawl kan damhkhaanpiak ko hna lai,” tiah Reuters thawngzamhnak ah a rak chim.

March 8 tiang hrawng ah hin Mizoram ah Myanmar ram lei in a zaammi palik le an chungkhar pawl minung 30 hrawng an si, tiah Reuters nih a langhter.Asinain, atu ah cun a zaammi an karh chin thluahmah tikah minung 100 leng an phan cang lai, tiah an ruahdamh.

The chin journal

Be the first to comment

Leave a Reply

Your email address will not be published.


*